“ChatGPT” Android istifadəçilərinin asistenti olacaq - Yenilik - FOTO
“OpenAI” şirkətinin süni intellekt proqramı olan “ChatGPT”, Android istifadəçiləri üçün böyük bir yenilik təqdim edib. Artıq Android cihazlarda “ChatGPT” standart rəqəmsal asistent olaraq təyin olunacaq və bu, istifadəçilərin süni intellektlə qarşılıqlı əlaqəsini yeni bir səviyyəyə qaldıracaq.
Sfera.az Türkiyə mediasına istinadən xəbər verir ki, istifadəçilər telefonda “ChatGPT”ni aktivləşdirildikdən sonra onu səs rejimində açaraq, qarşılıqlı əlaqə imkanı əldə edəcəklər.
Bu yenilik böyük bir addım olsa da, “ChatGPT”nin bəzi məhdudiyyətləri də mövcuddur. Ən böyük çatışmazlıqlardan biri, “Hey Google” kimi açar sözlə aktivləşdirmə funksiyasının olmamasıdır. “Google”, bu cür icazələri yalnız öz asistentləri kimi etibarlı tətbiqlər üçün saxlayır. Hazırda bu xüsusiyyət yalnız “ChatGPT” tətbiqinin beta versiyasında mövcuddur və “OpenAI” hələlik bu xüsusiyyətin bütün istifadəçilərə nə vaxt təqdim ediləcəyini açıqlamayıb.
Bəsti Rəfizadə
