“Google”un süni intellekt görüntü yaradıcısı “ImageFX”, alimlərin proqnozlarına əsaslanaraq 1000 il sonra insanların görünümünü təxmin edib.
“Galler” Universitetindən professor Robert Bruksun fikrincə, 3025-ci ildə insan beyninin bugünkü ilə müqayisədə daha kiçik olması gözlənilir.

Sfera.az "NTV"yə istinadən xəbər verir ki, alimlərə görə, texnologiya, kosmos səyahəti və iqlim dəyişikliyi insanları tamamilə dəyişdirəcək.

Müasir tibbin inkişafı sayəsində daha çox insan uzun müddət yaşayır və uşaq sahibi olur, bu da gələcəkdə insanların daha qısa boylu olmalarına səbəb ola bilər. Həmçinin, fərqli etnik qrupların qarışması nəticəsində insanların görünüşü daha homojen olacaq.

Bundan əlavə, gen düzəlişi texnologiyalarının inkişafı gələcəkdə insanların təkamülü öz əlləri ilə formalaşdırmalarına imkan verə bilər. Hazırda CRISPR-Cas9 kimi texnologiyalarla DNA-nı dəyişdirmək mümkündür, lakin bu, etik olaraq qəbul edilmir. Gələcəkdə bu texnologiyaların yayılması, insanların genetik xüsusiyyətlərinin dəyişməsinə və daha çox qarışıq bir görünüşə səbəb ola bilər. Eyni zamanda, kosmosa köçən insanlarda Marsın aşağı cazibə qüvvəsinə uyğunlaşmaq üçün daha uzun və incə üzvlər inkişaf edəcək. Bu dəyişikliklər insan növünün təkamülündə yeni bir mərhələnin başlanğıcı olacaq.

Bəsti Rəfizadə

Min il sonra insanlar necə olacaq? - Süni intellektin təsviri - FOTOLAR