"Yadplanetlilər qazların içində gizlənirlər" - Alimlərdən yeni iddia

Alimlərin yeni araşdırmasına görə, yadplanetlilər uzaq planetlərin atmosferindəki qazlarının içində gizlənirlər. NASA-nın "James Webb" Kosmik Teleskopu bu qazları araşdıraraq yadplanetli mikroorqanizmlərin mövcudluğunu öyrənməyə çalışır.

Sfera.az “Cumhuriyet”ə istinadən xəbər verir ki, "The Astrophysical Journal Letters" jurnalında dərc edilən araşdırmada alimlər, xüsusilə Hiyanus planetləri adlanan ekzoplanetlərin atmosferindəki metil halogenürlər adlı qazlara diqqət yetirir.

Yer kürəsində bu qazlar əsasən bakteriyalar və göbələklər tərəfindən istehsal olunur. Alimlər bu qazların yadplanetli mikroorqanizmlər tərəfindən də istehsal edilə biləcəyini ehtimal ediblər.

Araşdırmanın müəllifi, Kaliforniya Universitetinin astrobioloqu Eddi Şvayterman bildirib ki, Yerə bənzər planetlərdə atmosferdəki səs-küy və teleskopların məhdudiyyətləri səbəbindən bioloji izləri tapmaq çətin olur. Lakin Hiyanus planetlərində bu qazların daha aydın izləri müşahidə edilib.

Alimlər hələlik bu cür qazları istehsal edə biləcək yadplanetli həyat formalarının necə göründüyünü bilmir. Lakin ehtimal edilir ki, onlar anaerob - yəni oksigensiz mühitdə yaşaya bilən mikroorqanizmlərdir.

Bəsti Rəfizadə