NASA "Qanlı Ay"ın görüntüsünü paylaşdı - FOTO
2025-ci ilin ilk tam Ay tutulması baş verib. Dünyada nadir müşahidə olunan bu təbiət hadisəsi zamanı Ay qırmızı rəngə bürünüb.
Sfera.az “CNN Türk” saytına istinadən xəbər verir ki, NASA həmin anlara aid görüntüləri ictimaiyyətlə bölüşüb.
Verilən açıqlamada qeyd olunub ki, Ay tutulması Ayın bədrlənmiş fazasında orbitinin düyünlərində və ya ona yaxın olduqda baş verir. Yer Günəşlə Ay arasına keçərək Günəşdən gələn işıq şüalarının qarşısını kəsir. Bu zaman Ay tutulması baş verir. Tam Ay tutulması zamanı Ayın bütün səthi Yer kürəsinin ən qaranlıq kölgə hissəsinə – umbraya daxil olur. Ay umbra daxilində olarkən qırmızı-turuncu rəngdə görünür.
Mütəxəssislər bildiriblər ki, məhz bu səbəbdən belə tutulmalar “Qanlı Ay” adlanır. 2025-ci ildə bu nadir təbiət hadisəsinin iki dəfə baş verəcəyi gözlənilir.
Fidan Hacızadə
