Azərbaycanda İLK: Bambukdan bağ saldı, əşyalar düzəltdi + VİDEO
Lənkəran rayonunun Talışlı kəndində gözoxşayan bir bambuk bağı var.
Sfera.az xəbər verir ki, 1992-ci ildən rayonun Talışlı kəndində yaşayan Eynulla Calalov həyətyanı sahəsində mindən çox bambuk ağacı yetişdirərək bambuk bağını qurub.
Talışlı sakini həmçinin bambukdan müxtəlif əşyalar, stəkanlar, güldanlar, səbətlər və.s hazırlayır. Son illərdə bu bağ, bölgəyə gələn turistlərin ən çox ziyarət etdiyi məkanlardan birinə çevrilib. 30 ildən çoxdur bambuk əkməklə məşğul olan Eynulla Calalov həm bölgənin, həm də ölkənin bambuk yetişdirilməsi sahəsində önəmli bir təmsilçisidir.
Qeyd edək ki, bambuk dünyanın ən sürətlə böyüyən bitkisi hesab olunur. Bu ağac gün ərzində 90 santimetrə qədər uzanır.
Bambukun vətəni Çindir. Onun orta hündürlüyü 4-12 metr, bəzən isə 27 metrədək olur. Bu bitkinin növləri əsasən Asiyada, Cənubi və Şimali Amerikada yetişir.
Fidan Hacızadə
