"WhatsApp" proqramdakı qüsuru aradan qaldırıb - Kameralar öz-özünə...

Dünyanın ən populyar mesajlaşma platformalarından biri olan “WhatsApp”ın videozəng funksiyasındakı qüsurlar aradan qaldırılıb.
 

Sfera.az xatırladır ki, əvvəllər videozənglərdə kameranın avtomatik açılma problemi var idi. Əvvəlki sistemdə videozəng edildikdə, istifadəçinin kamerası avtomatik olaraq aktivləşir və onu söndürmək mümkün olmurdu. 

Bu, xüsusilə gözlənilməz zənglərdə narahatçılıq yaradırdı. 

“WhatsApp”ın yeni funksiyası sayəsində artıq istifadəçilər videozəngə qoşulmadan əvvəl kameralarını bağlaya biləcəklər. “Meta” şirkəti tərəfindən təqdim edilən bu yeniləmə, istifadəçi məxfiliyini qorumağı və daha rahat ünsiyyət imkanları yaratmağı hədəfləyir. Yeni xüsusiyyət sayəsində istifadəçilər istəmədikləri hallarda kamera açılma məcburiyyəti olmadan videozəngləri idarə edə biləcəklər. 

Bəsti Rəfizadə