Maskın qızı: “Qardaş və bacılarımın bəzisi “gübrələmə” ilə yaradılıb”
İlon Maskın transseksual qızı Vivian Uilson, atasının bütün oğlan övladlarını "in vitro gübrələmə" (IVF - sonsuzluq diaqnozu qoyulmuş cütlüklərə uşaq sahibi olmaq üçün istifadə edilən köməkçi reproduktiv üsuldur) vasitəsilə dünyaya gətirdiyini iddia edib.
Sfera.az xəbər verir ki, Vivian 20 yaşındadır.
O, Maskın birinci həyat yoldaşı Jastin Uilson ilə dünyaya gətirdiyi altı uşağından biridir.
Cütlük Nevada adlı bir uşaqlarını ani körpə ölümü sindromu səbəbindən itirdikdən sonra IVF-dən istifadə etməyə qərar veriblər. 2004-cü ildə Griffin və Xaviyer adlı əkizlər dünyaya gəlib, lakin Xaviyer sonradan Vivian adı ilə transseksual olub.
2006-cı ildə isə üçəm uşaqları Kai, Sakson və Damian dünyaya gəlib.
Vivian "Threads" sosial şəbəkəsində etdiyi paylaşımda, valideynlərinin IVF ilə uşaq sahibi olma qərarını sərt şəkildə tənqid edib.
Qeyd edək ki, IVF ilə cinsiyyət seçimi mübahisəli bir tibbi praktikadır və yalnız ABŞ və Meksikada qanunidir. Bu prosedur çox bahalı ola bilər, lakin Maskın IVF ilə cinsiyyət seçimi edib-etmədiyi təsdiqlənməyib.
Maskın 16 uşağının olduğu və bunlardan bəzilərinin IVF ilə doğulduğu məlumdur. Vivian prosedura olan qəzəbini bir daha təkrarlayaraq, “Bu necə qanuni ola bilər?” deyə soruşub.
Bəsti Rəfizadə
