Türkiyədə otellərlə bağlı maraqlı qadağa - Bir otaqda iki kişi…
Türkiyənin Alanya şəhərində otel nömrələrindən istifadə ilə bağlı maraqlı qərar qəbul edilib. Qərara əsasən, iki kişinin bir otaqda qalması qadağan olunub.
Sfera az "Cumhuriyyət"ə istinadən xəbər verir ki, məsələ Türkiyə İnsan Haqları və Bərabərlik Qurumu (TİHEK) tərəfindən araşdırılıb və bu praktikanın ayrı-seçkilik təşkil etdiyi müəyyən edilib.
Otelin vəkili sosial vəziyyətləri nəzərə alaraq bildirib ki, kişi qrupları alkoqollu əyləncələrə qatılaraq digər qonaqları narahat etdikləri üçün belə məhdudiyyətlər tətbiq ediblər. Lakin TİHEK otelin müdafiəsinin əsaslı olmadığı qənaətinə gələrək qərarın qərəz və fərziyyələrə söykəndiyini bildirib. Bu səbəbdən otelə 141 min 934 TL (6 600 manat) inzibati cərimə tətbiq edib.
Qeyd edək ki, TİHEK-in daha əvvəl də bu praktikanın dayandırılması üçün otellərə xəbərdarlıq etməsinə baxmayaraq, bu qaydasının hələ də davam etdiyi bildirilir.
Bəsti Rəfizadə
