Bir səhv müştəriyə 81 trilyon dollar qazandırıb - Maraqlı

ABŞ bankı "Citigroup" səhvən müştəriyə 280 dollar əvəzinə 81 trilyon dollar köçürüb. 

Sfera.az xəbər verir ki, bu barədə "Financial Times” qəzeti yazır. 

Nəşrin məlumatına görə, hadisə ötən ilin aprelində baş verib, lakin məlumat indi paylaşılıb. Qəzet qeyd edib ki, iki bank işçisi bu əməliyyatı dərhal təsdiqləyib. Maliyyə qurumunun üçüncü əməkdaşı səhvi əməliyyatdan cəmi bir saat yarım sonra hiss edib. Nəşr əlavə edib ki, transfer bir neçə saat sonra ləğv edilib. Amerika bankı gələcəkdə oxşar halların qarşısını almaq üçün hazırda əməliyyatların yoxlanılması proseslərinin avtomatlaşdırılması üzərində işləyir. 

Bəsti Rəfizadə