Tanınmış aparıcı xərçəng xəstəliyinə qalib gəldi
Təqdim etdiyi yemək proqramları ilə populyarlaşan türkiyəli aparıcı Nursel Ergin xərçəng xəstəliyindən əziyyət çəkirmiş.
Sfera.az “Akşam” qəzetinə istinadən xəbər verir ki, Ergin 8 ay əvvəl xəstəliyinə görə işini tərk edib və müalicəyə başlayıb.
Uzun zamandan sonra aparıcı xəstəliyə qalib gəlib. "Kanal D"də "Gelinim Mutfakta" adlı yemək proqramını təqdim edən aparıcı işinə geri qayıdıb.
Xatırladaq ki, Nursel Ergin 2007-ci ildə qatıldığı "Var mısın, yok musun" proqramı ilə məşhurlaşıb. Proqramdan sonra Nursel Ergin "Cam Kırıkları" adlı serialda "Suna" obrazına həyat verib. O, serialdan sonra "Mutfağım" adlı yemək proqramı ilə tamaşaçılarla görüşüb. Yemək bişirmə proqramları ilə diqqət çəkən Nursel Ergin 2015-ci ildə Nurselin Mutfağı adlı yemək proqramının aparıcısı olub.
Bəsti Rəfizadə
