Çin astrologiyasına görə Yaşıl taxta İlan ili nə vəd edir? - PROQNOZ
2025-ci il Şərq təqviminə görə yaşıl taxta (ağac) İlan ilidir. Keçən ilin simvolu olan yaşıl taxta (ağac) Əjdaha rəsmi olaraq çıxıb, yaşıl taxta (ağac) İlan isə daxil olub. Çin Yeni ili ay təqviminə bağlıdır, buna görə də hər il fərqli bir tarixə, adətən yanvarın sonu və fevralın sonu aralığına düşür.
Bəs 2025-ci il nə vəd edir?
Sfera.az bildirir ki, Çin astrologiyasında 12 bürc simvolu bir-birini izləyir.
Məsələn, gələn il Qırmızı Odlu At ili olacaq. Hər dəfə hər bir işarə təbii dünyanın beş elementindən biri ilə birləşir: metal, ağac, su, od və ya torpaq. Hər bir element müəyyən bir rənglə birləşdirilir: ağ, yaşıl, qara və ya mavi, qırmızı və sarı. Yaşıl ağac ilan ili sonuncu dəfə 1965-ci ildə qeyd olunub.
Çində ilanlara kiçik əjdahalar deyilir. Əsasən, müdriklik, zəriflik, uyğunlaşma və çevrilmə ilə əlaqələndirilir. Çin mədəniyyətində Qərbdə olduğu kimi heç bir mənfi məna daşımır. Bu işarə təbiətin qadın tərəfi, passiv metafizik prinsip olan Yin qüvvəsi ilə bağlıdır. Çin mifologiyasında ana ilahə Nuva insan başı və ilan bədəni kimi təsvir edilir.
İlan ilində doğulanların (1941, 1953, 1965, 1977, 1989, 2001, 2013, 2025) müdriklik, yaradıcılıq, yaxşı intuisiya, cazibədarlıq, sakitlik, qətiyyət və ehtiyatlılıq kimi keyfiyyətlərə malik olduqlarına inanılır.
Çində İlan bürcü altında müasir Çin ədəbiyyatının banisi Lu Xun (1881), məşhur aktrisa Qonq Li (1965) və Çinin hazırkı sədri Si Cinpin (1953) doğulub. İlan ilində doğulan məşhurlar arasında siyasi lider Mahatma Qandi (1869), rejissor Yuri Norşteyn (1941), dirijor Valeri Gergiev (1953) və siyasətçi Dmitri Medvedev (1965) var.
Çin ulduz falına görə, İlan ilində doğulanlar üçün bu il asan olmayacaq. Onlar işdə çətinliklər və maliyyə problemləri ilə üzləşə bilərlər, buna görə də problemlərin öhdəsindən gəlmək və uğur qazanmaq üçün nikbin və çevik olmalıdırlar. İlan ili dəyişikliklər və yeni imkanlar ili hesab olunur ki, bu da onu digər illərdən fərqləndirir. Şərq mədəniyyətinə və ənənələrinə əsasən, İlan ili ondan düzgün istifadə edənlərin ilidir. İlan ilində doğulanlar sarı rəngli geyimə üstünlük versələr, onlar üçün yaxşı olar. Çünki bu rəng onlara bol uğur gətirir. Qızılı və qəhvəyi rəngli paltar geyinilməsi pis hesab olunur. İnanclara görə, bu rənglər ilanlar üçün bədbəxtlik gətirir.
At ilində doğulanlar (1930, 1942, 1954, 1966, 1978, 1990, 2002, 2014) peşəkar və şəxsi həyatda şanslı olacaqlar.
Qoyun ilində doğulanlar (1931, 1943, 1955, 1967, 1979, 1991, 2003, 2015) isə zənginlik və peşəkar yüksəliş gözləməlidirlər.
Meymun ilində doğulanlar üçün (1920, 1932, 1944, 1956, 1968, 1980, 1992, 2004, 2016) bu il nisbətən sabit keçəcək, xeyirxah adamlarının köməyi ilə uğur qazana biləcəklər.
Xoruz ilində doğulan insanlar (1921, 1933, 1945, 1957, 1969, 1981, 1993, 2005, 2017) çox çalışsalar, varlanmaq və peşəkar yüksəliş əldə etmək fürsəti əldə edəcəklər.
İt ilində doğulanları (1922, 1034, 1946, 1958, 1970, 1982, 1994, 2006, 2018) sürprizlər və maliyyə artımı gözləyir.
Donuz ilində doğulan insanlar (1923, 1935, 1947, 1959, 1971, 1983, 1995, 2007, 2019) münaqişələrdən qaçmaq üçün nəzakətli və soyuqqanlı olmalıdırlar.
Siçovul (1924, 1936, 1948, 1960, 1972, 1984, 1996, 2008, 2020) və Öküz illərində (1925, 1937, 1949, 1961, 1973, 1985, 1997, 2009, 2021) doğulanları sabitlik gözləyir. Siçovullar sahibkar kimi uğur qazana, həmkarları, dostları və qohumları ilə münasibətlərini yaxşılaşdıra bilər. Öküzlər məhsuldar bir il keçirəcəklər.
Pələng ilində doğulanlar (1926, 1938, 1950, 1962, 1974, 1986, 1998, 2010, 2022) üçün işlər asan olmayacaq. Çətinliklərin öhdəsindən gəlmək üçün çox çalışmalı və ya aşağı profilli davranmalı olacaqlar.
Dovşan (Pişik) (1927, 1939, 1951, 1963, 1975, 1987, 1999, 2011, 2023) və Əjdaha illərində (1928, 1940, 1952, 1964, 1976, 1988, 2000, 2012, 2024) doğulanların bəxti gətirəcək və zəhmətlərinin qarşılığını alacaqlar.
Firuzə Əliyeva
