1966-cı ildə qadağan olunmuş kitaba 2023-cü ildə nümayiş etdirilməsinə icazə verilib - FOTO
Təsəvvür edin ki, kitab yazılır və dövlətə görə onun məzmunu böyük təhlükə yaradır. Çan Tomasın Adəm və Həvva Hekayəsi məhz belə bir əsərdir. Kitabda dünyanın vaxtaşırı böyük fəlakətlərlə üzləşdiyi iddia edilir. Üstəlik, bu fəlakətlərin səbəbi kimi maqnit qütbünün dəyişməsi göstərilir.
Bəs, iddialar nə dərəcədə real ola bilər?
Sfera.az 1966-cı ildə qadağan olunub nümayişinə yalnız 2023-cü ildə icazə verilən dünyanın sonu haqqındakı kitab barədə yazı təqdim edir.
1966-cı ildə nəşr olunan Çan Tomasın “Adəm və Həvva Hekayəsi” nəşr olunduğu il CIA tərəfindən dərhal qadağan edilib. Bəs, bu kitabın qadağan olunmasının səbəbi nə idi? Tomasın kitabında dünyanın hər 6500 ildən bir yaşadığı böyük fəlakətlər haqqında iddialar yer alırdı.
Müəllif geoloji sübutlara və tarixdən əvvəlki dövrlərə aid dini hekayələrə əsaslanaraq dünyanın tezliklə fəlakətə düçar olacağını iddia edirdi.
Bu hadisələrin mərkəzində müəllifin müdafiə etdiyi bir nəzəriyyə dayanırdı: Yerin maqnit qütblərinin tərsinə çevrilməsi, elmi olaraq geomaqnit çevrilməsi kimi tanınır.
Tomasın fikrincə, bu hadisə sunamilərdən tutmuş zəlzələlərə qədər bir sıra dağıdıcı fəlakətlərə səbəb ola bilər və insanlığın sonunu gətirə bilər.
Tomas, planetin maqnit qütblərinin hər 6500 ildən bir tərsinə çevrildiyini və bu dönüşün Yerdəki həyatı tamamilə məhv edə biləcəyini müdafiə edirdi. Kitabının bir fəslində o yazırdı:
“Kaliforniyada dağlar küləkdə yellənən qıjılar kimi titrəyəcək; Sakit okean iki mil hündürlüyündə su dağına çevriləcək və şərqə doğru hərəkət edəcək. Bir neçə saat ərzində bütün sivilizasiya məhv olacaq”.
Tomasın fikrincə, fəlakətlər təkcə Şimali Amerikaya deyil, bütün qitələrə təsir edəcək və dünya üçün yeni nizamla nəticələnəcək. Məsələn, Benqal körfəzi Şimal Qütbünə, Sakit Okean isə Cənub Qütbünə çevriləcək.
NASA və alimlər isə Tomasın nəzəriyyələrini “elmi əsassız” adlandırırlar. NASA tədqiqatçısı Martin Mlynczak iddiaların heç bir elmi əsası olmadığını bildirib:
“Əgər belə bir hadisə hər 6500 ildən bir baş versəydi, geoloji qeydlərdə bunu açıq şəkildə görərdik. Amma belə bir dəlil yoxdur”.
Tomasın kitabı bir çox sui-qəsd nəzəriyyəçilərini ilhamlandırıb. Lakin alimlər bu cür nəzəriyyələrin çaxnaşma yaratmamalı olduğu qənaətindədirlər.
Aysel
