1a:T5cf,

Virciniya ştatında nüvə müharibəsi zamanı zənginlər üçün lüks mənzillər, restoranlar və hovuzu olan yeraltı bunker tikiləcək.

Sfera.az xəbər verir ki, bu barədə “Daily Mail” məlumat yayıb.

Söhbət dünyanın ən zəngin 625 adamı üçün “dəbdəbəli qiyamət qalası”ndan gedir. 300 milyon dollar dəyərində olan kompleksin sakinləri üzgüçülük hovuzları və məftunedici “suitlər”lə yanaşı, süni intellektə əsaslanan qabaqcıl səhiyyə sistemindən yararlanmaq imkanı əldə edəcəklər.

Məqalədə deyilir ki, 2026-cı ildə başa çatdırılması gözlənilən tikinti planları SAFE tərəfindən açıqlanıb.

İddia edilir ki, Aerie (Qartal yuvası) adlanan bunker müştərilərdən adambaşına 20 milyon dollar xərc tələb etsə də, Yer kürəsində baş verə biləcək fəlakət zamanı sağ qalmaq şansı da təqdim edəcək.

Layihənin müəllifləri iddia edirlər ki, bu yer heç də qlobal gərginlikdən və Üçüncü Dünya müharibəsi qorxusundan ilhamlanmayıb.

Qəzet xatırladıb ki, “Qartal yuvası” dünyanın super varlı insanlarının tikdiyi yeganə sığınacaq deyil.

Firuzə Əliyeva

Varlılar nüvə müharibəsindən belə qorunacaqlar - “Dəbdəbəli qiyamət qalası” İNŞA EDİLİR