Çiy ət yeyən qadının bədənində problemlər yaranıb - FOTO

Çində yaşayan 23 yaşlı bir qadın şiddətli baş ağrısı, bud və gözlərindəki ağrılarla əlaqədar xəstəxanaya müraciət edib.  

Sfera.az xarici KİV-ə istinadən xəbər verir ki, xəstə qadını MRT və KT müayinəsinə cəlb edən həkimlər gördükləri qarşısında heyrətlərini gizlədə bilməyiblər. Belə ki, gənc qadının baş və bədən hissələrində sistiserkoz aşkarlanıb.

Sistiserkoz qurd yumurtalarının udulması nəticəsində yaranan infeksiyadır. Bu infeksiyanın əsas xüsusiyyəti ondan ibarətdir ki, qurd yumurtaları parazitə çevrilərək bədəndə uzun müddət yaşayırlar.

Müayinə zamanı aşkarlanıb ki, qurd yumurtaları bədənin hər yerində mövcuddur. 

Gənc qızın ailəsi isə bildirib ki, onlar davamlı donuz kəsiblər. Qız hər dəfə çiy donuz əti yeyib və bu vərdiş onun yeniyetməliyindən davam edib. Məlum olub ki, parazitlər gənc qadının kürəyində, qarnında, gözlərində və beynində mövcuddur. Buna səbəb  isə çiy donuz əti yemək vərdişi olub.

Vasif