Türkiyədə bu qədər çox pişik olmasının tarixi səbəbləri - FOTO
İstanbul küçələrində dolaşarkən skamyada yatmış və ya ikinci əl kitab mağazasında kitablar arasında gəzən piçiklər heç kəsi təəccübləndirmir.
Bəs bu tüklü dostların niyə bu ölkənin bu qədər təbii və qəbul edilən bir parçası olmasının arxasındakı tarix nədir?
Elə də yaxın keçmişə aid deyil, bu, çoxdan belədir.
Sfera.az bu yazıda Türkiyədə bu qədər çox pişik olmasının tarixi səbəbləri haqqında məlumat verir.
Osmanlıda heyvanlara göstərilən maraq tarixin səhifələrinə həkk olunub. Sahibsiz heyvanlar üçün şorbaxanalarda yemək paylanır, qəssablarla müqavilələr bağlanır, hətta pişiklər üçün xüsusi xəstəxanalar yaradılır.
Pişikləri bəsləmək və onlara qulluq etmək üçün “pişikçilər” adlı xüsusi qulluqçular da var idi. Mancacilar onlara verilən pulla it və pişik yedizdirirdi.
Bir çox Osmanlı vətəndaşı ölməzdən əvvəl pişikləri bəsləmək üçün miraslarının bir hissəsini vəsiyyət edirdilər. Həftənin müəyyən günlərində müəyyən sayda pişiyi qidalandırmaq nemətlər arasında idi.
İstanbulda pişiklərin olması faktiki olaraq Osmanlı İmperiyasından əvvəldir. Qədim Misirdən Mesopotamiyaya qədər uzanan bu səyahət pişikləri İstanbulun ürəyinə yerləşdirib.
Əkinçilik cəmiyyətlərində siçan və zərərverici populyasiyalarını nəzarət altında saxlayan pişiklər zamanla şəhər həyatına uyğunlaşaraq Osmanlı dövründə ictimai quruluşun bir parçası halına gəldi.
Elmi araşdırmalar DNT analizi sayəsində müasir pişiklərin çoxunun Anadolu və Misir mənşəli olduğunu ortaya qoyur. İstanbul bu tüklü dostların dayanacaqlarından birinə çevrilib və şəhər mədəniyyətində mühüm yer qazanıb.
Osmanlı sultanlarının da pişiklərə böyük sevgisi olub. Sultan II Əbdülhəmidin pişiyi Ağa Əfəndi saray həyatının bir parçası idi. Ağa Əfəndi hətta sultanın və qızının oyunlarına onların tikələrini səpələyərək müdaxilə edərdi.
Əsrlər boyu davam edən bu mədəni irs bu gün də yaşamaqdadır. İstanbul başda olmaqla Türkiyənin bir çox şəhərlərində pişiklər gündəlik həyatın ayrılmaz hissəsinə çevrilib.
Kafedə masanızın yanında oturan pişik, kitab mağazasında kitablar arasında yatan tüklü dost və ya tarixi məscidin həyətində dolaşan pişiklər... Bütün bunlar Türkiyənin sahibsiz heyvanlara göstərdiyi mərhəmətin və tarixdən gələn sevginin əksidir.
Aysel
