Hazırda dünyada səs-küyə səbəb olan “Squid Game” serialı əslində real hekayədən götürülüb.

Sfera.az bildirir ki, bu barədə türkiyəli jurnalist Uğur Önver məlumat paylaşıb.

Onun sözlərinə görə, hadisələr 80-cı illərdə başlayıb: “Həmin dövrdə Cənubi Koreyada diktatorluq hökm sürürdü. Ölkədə birdən-birə küçələrdəki uşaqlar və gənclər itkin düşməyə başlayır.

Həm də sirli bir formada..Polislər evsiz, çarəsiz gəncləri etmədikləri bir şeylə ittiham edərək ağ maşınlara doldurur, kölə kampına bənzəyən bir adaya aparırlar.

İnsanların sabahdan axşama qədər sadəcə tox olmaq üçün çalışacaqları bu yer hündür divarlarla çərçivələnmişdi, qaçmaq istəyən güllələnirdi.

Cənubi Koreyada həmin dövrün rəhbər şəxsləri tərəfindən tətbiq edilən bu işgəncə növünün əsl məqsədi isə küçələrdə boş-boş gəzən kasıb adamlardan qurtulmaq idi. Yəni küçələri “təmizləmək idi”. Çünki ölkə həmin vaxt Asiya oyunlarına ev sahibliyi edəcəkdi və qüsursuz görünməli idi”.

Jurnalist qeyd edib ki, eyni serialdakı kimi sözügedən gənclər nömrələnmişdi və adlarından istifadə edilmirdi:

“Qayda çox sadə idi. Səhər oyanan kimi “tərpənməmək oyunu”na daxil olacaqdılar və günə hazır başlayacaqdılar. Oyunda məğlub olanlara isə ağır cəzalar verilirdi. İllərlə yüzlərlə gənc bu formada işlədildi. Lakin diktatorluq devrilən kimi bu sistem aşkarlandı və rəhbərlik edən adam – Park İn Keun ailəsi ilə birlikdə Avstraliyaya qaçdı”.

Günay

“Squid Game” serialının dəhşətli real hekayəsi... - FOTOLAR