Bu necə xəyaldır?- İtə çevrilmək üçün 12500 Avro xərcləyən adam - FOTOLAR
Təxəyyülünün həddi-hüdudu olmayan bir adam təsəvvür edin: 12 min avro xərcləyib itə çevrilmiş biri. Toko bu arzusuna öz Border Collie kostyumunda dördayaq üstə gəzərək çatıb. Amma indi deyəsən başqa bir heyvana çevrilmək fikrindədir. Deyəsən, "it həyatı" ona kifayət etməyib.
Sfera.az bildirir ki, Toko Yaponiyada yaşayan və uşaqlıq arzusunu həyata keçirmək üçün inanılmaz addım atan biridir. O, uşaqlıq arzusunu reallaşdırmaq üçün Yaponiyanın “Zeppet” şirkətinə 12 min avro ödəyib.
Şirkət kino və televiziya üçün heykəllər və modellər hazırlayan bir studiyadır. Bu sərmayənin sonunda Tokonun sevimli it cinsi Border Collienin tam surəti olan bir kostyum var idi.
O, yalnız öz kostyumu ilə öz evində vaxt keçirmirdi; O, gəzintiyə çıxır, dörd ayaq üstə yeriyir, hətta quyruğunu yelləyib hürə bilir.
Əvvəlcə bu maraqlı hobbini gizlədən Toko zamanla geyimi ilə xarici aləmə də açılıb. O, "it həyatı" ilə bağlı təcrübələrini “YouTube”da videolar paylaşaraq pərəstişkarları ilə bölüşüb.
Toko it olmaq azadlığından həzz aldıqdan sonra diqqətini başqa heyvanlara çevirib. Yaponiyanın “WanQol” xəbər kanalına verdiyi müsahibədə o, çevrilmək istədiyi heyvanlar arasında pandalar, ayılar, tülkülər və pişiklərin olduğunu bildirib.
Tokonun bu qeyri-adi arzusu əslində uşaqlığından bəri hiss etdiyi transformasiya arzusuna əsaslanır. O, adətən bu hobbisini insanların “qəribə” görəcəyindən qorxduğu üçün gizli saxlayır.
O, ailəsinin və dostlarının bu vəziyyəti öyrəndikdə çox təəccübləndiyini bildirib.
Toko hazırda yeni bir heyvana çevrilmək ideyası üzərində işləyir və bu arzusunu həyata keçirəcəyi günü səbirsizliklə gözləyir.
Xanım
