Turistlərin sevimlisi "dünyanın ən çirkli şəhəri" oldu - FOTOLAR
10 milyon əhalisi olan və hər il 14,9 milyon turisti cəlb edən Misirin paytaxtı Qahirə dünyanın ən çirkli şəhərləri siyahısında birinci yeri tutub.
Sfera.az bildirir ki, Qahirədə Hava Keyfiyyəti İndeksi (AQI) 160-a çatıb ki, bu da ideal hava şəraitindən daha az olduğunu göstərir. Müqayisə üçün, normal və sağlam hesab edilən Hava Keyfiyyəti İndeksi 36 ətrafında dəyişir.
Reytinq DIPNDIVE tərəfindən dünyanın ən çox ziyarət edilən şəhərləri üzrə apardığı araşdırmanın nəticələrinə əsasən tərtib edilib. Çirklənmə havanın keyfiyyəti indeksi, PM2.5 konsentrasiyası (insan sağlamlığına zərər verə biləcək kiçik hava hissəcikləri), suyun keyfiyyət indeksi və səs-küy səviyyələri kimi əsas göstəricilərdən istifadə etməklə ölçülüb.
Daha sonra bu amillər birləşdirilərək şəhərləri ətraf mühitin sağlamlığına görə sıralayan çirklənmə balı yaradılıb. Qahirədə PM2.5 konsentrasiyası 68,4 q/m3-ə çatıb ki, bu da ÜST-ün təhlükəsiz həddi olan 5 q/m3-dən xeyli yuxarıdır.
Havanın çirklənməsinin belə acınacaqlı mənzərəsinə baxmayaraq, Qahirə turistləri maqnit kimi cəlb edir. Şəhərin əsas diqqət çəkən məqamı dünyanın yeddi möcüzəsindən biri olan Giza piramidalarıdır.
Qeyd edək ki, Giza piramidaları Qahirənin ətrafında yerləşən Giza yaylasında qədim abidələr kompleksidir.
Aynil
