Aşiqlərin lənəti: Bu "cənnət" adası nə üçün nə təhlükəlidir?
Yunanıstanın Lefkada adası bir sıra kurort saytlarında ən yüksək reytinqə malikdir. Ada çimərlikləri, körfəzləri, dənizi və otelləri ilə turistləri cəlb edir. Bu adanı milyonçu Aristotel Onassis və həyat yoldaşı Ceki Kennedi ziyarət edib.
Sfera.az bildirir ki, Lefkada adası çimərlikləri, körfəzləri, dənizi və otelləri ilə yanaşı, qədim mifləri ilə də diqqəti cəlb edir.
Lefkada adasının yaxınlığındakı qayaların tarixi şairə Safo, dənizçi ilahi Faon və sevgi ilahəsi Afrodita ilə bağlıdır.
Yerli sakinlər isə iki min il əvvəl baş vermiş faciəli sevgi hekayəsi: “aşiqlərin lənətin”ndən danışırlar. Bu hekayədə bəzən cütlüklərə təsir edə biləcək bir "lənət" haqqında danışılır. Ada haqqında mif “The Sun” portalında da yer alıb.
Qeyd edək ki, adada ilk növbədə, üç çimərlik- Egremni, Porto Katsiki və Katizma turistləri cəlb edə bilər. Çimərliklər yaşıl təpələr və sakit, təmiz su ilə körfəzlərlə əhatə olunub. Daha aktiv istirahət növlərini sevənlər uçurtma sörfinqi (paraşütlə tullanma), yamac paraşütü, külək sörfinqi, akvalans və yelkənli idman növlərinə gedə bilərlər. At sürmə, dağ velosipedi və yürüyüş kimi qeyri-dəniz fəaliyyətləri var.
Lefkada Yunanıstan cəmi yarım saatlıq məsafədədir və İon adaları kimi tanınan yeddi incidən birinə çevrilib.
Adanın mifi
Eyni zamanda yerli sakinlər qədim yunan şairəsi Safo ilə dənizçi Faonun sevgisindən bəhs edirlər. Rəvayətə görə, şairə hamıdan çox dənizi sevən dənizçi Faoya aşiq olub. Fao Safonun hisslərinə cavab verməyəndə o, özünü Lefkada burnunda qayalardan atıb. Yunanlar adanın o vaxtdan bəri lənətləndiyinə əmindirlər.
Safo 7-ci əsrdə yaşamış real tarixi şəxsiyyət, şairə, musiqiçi və təhsilli yunan qadınıdır. “Britannica Ensiklopediya”sında təsvir edilən şairə hələ eramızdan əvvəl Lesvos adasında anadan olub, siyasi intriqalar üzündən vətənini tərk etməyə məcbur olub və bir müddət mühacirətdə yaşayıb. Onun bəzi şeirləri bu günə qədər gəlib çatmış, qəsidələr, ilahilər, elegiyalar, mahnılar yazmışdır. Safo bir neçə onillik Siciliyadakı Sirakuzada keçirib, sonra vətəninə qayıdıb. Faon hekayəsinin adada yaşayan və bir vaxtlar sevgi ilahəsi Afroditanı dənizdən keçirən dəniz tanrısı Phaon haqqında mifdən qaynaqlandığı güman edilir. Minnətdarlıq əlaməti olaraq ilahə onu o qədər gözəl edib ki, görən hər kəs ona aşiq olub. "Sevgililərin lənəti" hekayəsi "özünü Lefkada uçurumundan atmaq" ifadəsi ilə əlaqələndirilir - yəni bir insan ümidsizlikdən həyatına son qoyur.
Aysel
