Bir anlıq düşünün: özünüzü tanımadığı bir meşənin ortasında tək tapırsınız. Belə bir vəziyyətdə sağ qala bilərsinizmi? Kolumbiyalı Marina Çapman məhz belə bir aqibətlə qarşılaşıb.

Sfera.az bildirir ki, meymunların arasında sağ qalmaq üçün mübarizə aparan Marina Çapmanın hekayəsini təqdim edir.

Marinanın həyat hekayəsi onun dörd yaşında Kolumbiyada yaşadığı kənddən qaçırılması ilə başlayır. Marina deyir ki, ailəsi haqqında çox az şey xatırlayır. Amma qaçırıldığı günü heç vaxt unuda bilmir.

Kəndindən iki nəfər tərəfindən qaçırılan Marina maşına mindirilərək naməlum meşənin ortasına buraxılıb. O, həmin anları belə təsvir edir:

“Onlar gedəndə mən sadəcə geri qayıtmaları üçün yalvarmaq istədim. Qara və ağ dərili iki kişinin məndən uzaqlaşdığını gördüm. “Onları dayandırmaq istədim, amma məni orada qoyub getdilər”.

Tamamilə tək qalan Marina xilas olmaq üçün nə edəcəyini bilmirdi. Bu zaman o, meşədə meymunun qışqırığını eşidib.

Meşədə tək keçirdiyi ilk günlər Marina üçün qorxulu olub. Lakin bir müddət sonra meymunlar onun ətrafına toplaşmağa başlayıblar. Əvvəlcə uzaqlaşan bu canlılar sonda Marinanı öz qruplarına qəbul ediblər.

Marina meymunlarla necə ünsiyyət qurduğunu öyrənməli olduğunu belə izah edir:

"Hər səsin bir mənası var idi. Daha yüksək səslər təhlükə əlaməti idi, gizlənməli olurdum. Alçaq, fit səsləri onların yemək tapdığını bildirirdi".

Həftələr keçdikcə Marina cəngəllikdə yaşamağa və meymunların dilini başa düşməyə başlayıb. Onların hərəkətlərini, yeməklərini və qrup daxilində davranışlarını müşahidə edərək sağ qalmağı öyrənib.

O, həmin anları bu sözlərlə ifadə edir:

"Səslərinə, davranışlarına baxmaq mənə sağ qalmağı öyrətdi. Onları anlamaq üçün bu, yeganə şansım oldu".

Aysel

Meymunların böyütdüyü qadının film kimi həyatı - FOTO