“Domino's pizza” həvəskarlarına 30 dəqiqəlik çatdırılma vədi ilə illərdir zirvədədir. Fikir versəniz, illərdir televiziya və sosial şəbəkələrdə bu kampaniyanı reklam edən şirkət son illər bu mövzuda kifayət qədər susur. Bunun arxasında 78 milyon dollarlıq məhkəmə iddiası dayanır.

Bəs bu cəsarətli zəmanət şirkətə necə baha başa gəldi?

Sfera.az məhkəmə salonlarında sona çatan kampaniyanın arxasında duran maraqlı hadisəni sizə təqdim edir.

“Domino's Pizza” 1960-cı ildə Tom Monaghan tərəfindən təsis edilib. 1970-ci illərə qədər Monaghan, müştərilərinə "yarım saata çatdırılma və ya yarım dollar endirim" vəd edərək biznesinin genişlənməsini sürətləndirməyi planlaşdırırdı.

Bu zəmanət markanı sürətli çatdırılma ilə əlaqələndirərək böyük diqqət çəkdi.

1979-cu ildə “Domino's” çatdırılma müddətini daha da iddialı etdi və "30 dəqiqə ərzində çatdırılmadıqda pulsuz" zəmanətini təqdim etdi. Müştərilər ya pizzalarını tez alır, ya da pulsuz yeyirdilər.

Yeni vəd, “Domino's”un 1980-ci illərdə 5000 mağazaya çatması ilə markanın güclü böyüməsinə təkan verdi. Ancaq bu zəmanət baha başa gəldi.

“Domino's”un 30 dəqiqəlik çatdırılma təkanları ciddi nəticələr verməyə başlayıb. 1980-ci illərdə çatdırılma müddətlərini yerinə yetirməyə çalışan kuryerlər sürət həddini aşmağa və qəzalara səbəb olmağa başladılar.

Qəzalarda 20-dən çox adam ölüb, yüzlərlə insan yaralanıb. Şirkət müştəri məmnuniyyəti üçün qoyduğu bu limitlə bir çox insanın həyatını təhlükəyə atıb.

1993-cü ildə St. Sent-Luisdə “Domino's” sürücüsü tərəfindən vurulan Jean Kinder şirkəti məhkəməyə verib və 78 milyon dollar təzminat alıb. Bu iddia “Domino's”un "30 dəqiqə ərzində çatdırılma" zəmanətini ləğv etməsinə səbəb olub.

Şirkətin qurucusu Tom Monaghan, böyük cəzadan sonra zəmanəti tamamilə ləğv edərək siyasətə son verdiklərini açıqlayıb.

Amerikada çatdırılma zəmanətini qaldıran “Domino's”, bəzi ölkələrdə 30 dəqiqəlik sürət mövzusunu davam etdirə biləcəyini düşündü.

Məsələn, Türkiyə saytındakı məlumata görə, bu kampaniya ölkədə hələ də qüvvədədir, lakin təbii ki, müəyyən şərtlər var.

Ancaq bunun nə qədər həyata keçirildiyi məlum deyil.

Xanım

"30 Dəqiqə" kampaniya necə 78 milyon dollarlıq məhkəmə iddiasına çevrildi?