Bu ölkələrin əhalisinin internetə çıxışı yoxdur - SİYAHI

8 milyarda çatan dünya əhalisinin 2,5 milyardının internetə çıxışı yoxdur. 

Sfera.az xəbər verir ki, bu barədə “We Are Social”ın 2024-cü il hesabatında qeyd olunub.

Məlumata görə, Asiya və Afrika ölkələri internetə ən az çıxış əldə edən regionlar kimi seçilir.

İnternetə ən az çıxışı olan ölkələr siyahısına görə, Hindistan əhalisinin 48 faizi, yəni 684 milyon insan, Çin əhalisinin isə 24 faizi, yəni 336 milyon nəfər internetə daxil ola bilmir. Üçüncü sırada 132 milyon insanla Pakistan gəlir. Nigeriya isə giriş problemi yaşayan 123 milyon insanla 4-cü yerdə qərarlaşıb.

Siyahıda 5-ci yerdə olan Efiopiyada 103 milyon insan internetə daxil ola bilməsə də, bu rəqəm ölkə əhalisinin 81 faizinin internet problemi olduğunu göstərir. Beləliklə, proporsional olaraq Efiopiya siyahının başındadır.

Firuzə Əliyeva