Dünyada artan münaqişələr Üçüncü Dünya müharibəsi ehtimalını gündəmə gətirib.

Sfera.az bildirir ki, “Mirror” qəzetində yer alan xəbərə görə, bəzi insanlar artıq ən pis ssenari üçün hazırlıqlara başlayıb. Silikon Vadisindən olan texnologiya mütəxəssisləri mümkün müharibə vəziyyətindən qaçmaq üçün şəxsi təyyarələr icarəyə götürdüklərini bildiriblər. Nəşrdə dərc olunan yazıda həmçinin dünya müharibəsi başlayarsa, təhlükəsiz ola biləcək ölkələrin siyahısı da yer alıb.

Məlumata görə, Avstraliyadan təxminən 1500 km uzaqlıqda olan Yeni Zelandiya III Dünya müharibəsinin mümkün fəlakətlərindən qaçmaq üçün ideal məkanlardan biridir. “Bura nüvə partlayışının təsirindən nisbətən qoruna biləcək. Həmçinin qida anbarı da var, ona görə aclıqdan ölmək ehtimalı azdır”, - “Rethinking Security” adlı təhlükəsizlik şəbəkəsi qeyd edib.

Siyahıda yer alan ölkələrdən biri də Skandinaviya ölkəsi olan İslandiyadır. Bildirilir ki, III Dünya müharibəsi başlayarsa, bu ölkə də Yeni Zelandiya kimi qoruma üstünlüyü təmin edə bilər. “İslandiya Şotlandiyadan təqribən 800 km, Norveçdən təxminən 950 km və dünyanın qalan hissəsindən çox uzaqdadır. Bu da onun üstünlüklərindən biridir”.

Cənubi Amerika ölkəsi Çili də siyahıda yer alır. Bu ölkənin sığınmaq üçün ideal yer olduğu bildirilir. Məlumata görə, Çili 5 milyonluq əhaliyə, eləcə də təbii sərvətlərə və uzun torpaq zolağına malikdir. Sakit okean ölkəsi Fici müharibə zamanı daha isti iqlim istəyənlər üçün tövsiyə edilib. Siyahıda olan və Yeni Zelandiyadan təxminən 2 min km uzaqlıqda, 100 adadan ibarət olan Ficinin cəmi 900 min əhalisinin olduğu vurğulanıb.

Günay

III Dünya müharibəsi başlayarsa, bu ölkələr təhlükəsiz olacaq - SİYAHI