"Aşpaz" robot hazırlandı - Qiyməti... + FOTO

“Moley Robotics” şirkəti müxtəlif yeməklər hazırlaya bilən “X-AiR” robotunu hazırlayıb.

Sfera.az xəbər verir ki, "aşpazın" qiyməti 105 min dollardır.

Bildirilib ki, yeni məhsul ilk müştərisinə bir neçə aydan sonra təqdim ediləcək.

“X-AiR” öz sobası, xüsusi qablar dəsti və yemək hazırlamaq üçün yağ ehtiyatına malikdir.

Məlumata görə, robot mətbəx sistemi bir çox insanın minimum miqdarda konservantlarla dadlı və sağlam yemək yemək istəyini tam ödəyir. Bu, yemək bişirməyi sevən, lakin məşğul olduğu üçün edə bilməyənlər üçün nəzərdə tutulub. “X-AiR” ilə reseptləri hazırlamaq üçün sadəcə inqrediyentləri düzüb “başla” əmrini vermək lazımdır. Robot eyni anda 10 porsiya hazırlaya bilir.  

Qeyd edək ki, robotun bütün reseptləri aşpaz Ceyms Taylor tərəfindən təhlil edilir və uyğunlaşdırılır. “X-AiR”in imkanlarını genişləndirmək üçün hər ay siyahıya 2-3 yeni resept əlavə edilməsi planlaşdırılır. 

Firuzə Əliyeva