Oruc tutanlara bunları etmək OLMAZ!

Ramazan ayı müsəlmanlar üçün son dərəcə önəmli olan aylardandır. Müsəlmanlar bu aya xüsusi dəyər verir, bu ayda oruc tutmağa çalışırlar.

11 ayın sultanı hesab edilən Ramazan ayında hər il ənənəvi olaraq “orucu nə poza bilər?” sualı gündəmə gəlir.

Sfera.az xəbər verir ki, Türkiyənin Dəyanət Vəqfi orucu pozan və pozmayan halları sadalayıb.

1.Oruc tutan insanların susuz və qidasız qalmaları ağız qoxusundan narahat olmalarına səbəb olur. Bu insanların diş fırçalamasında heç bir problem yoxdur. Sadəcə diqqət etmək lazımdır ki, diş məcunu və su boğaza getməsin. Dişləri fırçalayan zaman su və diş məcunu boğaza qaçarsa, oruc pozulmuş sayılır.

2. Qulaq, burun və göz damcısı da orucluq zamanı tökülə bilər. Bu dərmanlar yemək məqsədli olmadığı üçün rahatlıqla istifadə etmək olar. Yəni onların istifadəsi orucluğun pozulması sayılmır.

3. Hədislər və ayətlərə nəzər saldıqda görürük ki, qan vermək orucu pozmur

4.Qusma halı insanın istəyindən asılı olmayaraq baş verirsə və eyni zamanda mədədən yuxarı qalxan mədə şirəsi də orucu pozmur. Hamiləlik dönəmində bu hala daha çox rast gəlinir. Məhz bu baxımdan hamilə qadınlara oruc tutmaq tövsiyə edilmir.

5. Ətir, krem və dezinfeksiya məhsulları qida maddəsi olmadığı üçün istifadə etmək olar. Sadəcə dezinfeksiya məhsullarının alkoqolsuz olmasına diqqət yetirmək lazımdır.

6. Qulaq, burun və boğazdan su qaçmazsa duş almaq orucu pozmur.

7. Saqqızların tərkibində dadlandırıcılar olduğu üçün saqqız çeynəmək orucu pozur. Oruc tutarkən saqqız çeynəmək istəyənlərə yalnız kəngər saqqızı tövsiyə edilir. Bu saqqızın tərkibində əlavə dadlandırıcı maddələr yoxdur.

8. Ramazan ayında saç boyamaq orucu pozmur.

Ülkər Abdurahmanlı