Təqvimlərimiz fevralı dörd ildən bir 29 olaraq göstərir. 2024-cü il də elə həmin illərdən biridir. Bu il fevralın 29-da doğulanlar dörd ildən sonra ilk dəfə doğum günlərini dəqiq günündə qeyd edə biləcəklər.

Bəs bu tarixdə doğulanlar digər 3 ildə doğum gününü nə vaxt qeyd etməlidir?

Sfera.az xəbər verir ki, bu barədə məşhur alman mütəfəkkiri və aforizmlər müəllifi Georg Kristof Lixtenberq “29 Fevralda doğulan bədbəxtlərin təsəllisi üçün” məqaləsində bəhs edib.

O, məqaləsində hər il ad günlərini qeyd etmək üçün ətraflı plan təqdim edib. 

Plana əsasən, səhər saat 6-dan əvvəl doğulanlar fevralın 28-də qeyd edə bilərlər. Günün sonunda doğulanlar üçün əlverişli tarix 1 martdır. Səhər saat 6-dan günortaya qədər doğulanlara ilk iki il fevralın 28-də, üçüncü il isə martın 1-də şamları söndürmək tövsiyə olunur. Sonra dövr təkrarlanır. 12 ilə 18 arasında doğulanlar üçün cədvəl oxşardır, lakin onlar ilk il fevralın 28-də, sonrakı iki il isə martın 1-də qeyd edə bilərlər.

Firuzə Əliyeva