Atom bombası hücumunda əriyən saat SATILDI: 31 min 113 dollara... - FOTO 

ABŞ-nin Yaponiyaya atom bombası hücumu zamanı əriyən və partlayış baş verən zaman 08.15-də dayanan saat satışa çıxarılıb.

Sfera.az bildirir ki, satışı ABŞ-nin Boston şəhərində fəaliyyət göstərən “RR Auction” adlı hərrac şirkəti təşkil edib.

Şirkət 6 avqust 1945-ci ildə Yaponiyanın Xirosimaya atılan atom bombası hücumu zamanı əriyən saatı 31 min 113 dollara satıb. Alıcının adı açıqlanmayıb. “RR Auction” həmçinin qeyd edib ki, sözügedən saat hücumdan sonra bölgəyə gedən bir ingilis əsgəri tərəfindən xarabalıqlardan çıxarılıb.

Xatırladaq ki, ABŞ dünya tarixində ilk dəfə 6 avqust 1945-ci ildə Yaponiyaya qarşı atom bombasından istifadə etdi. Təxminən 140 min insanın həyatını itirdiyi Xirosima hücumu dolayısı ilə yüz minlərlə insanın yaralanmasına və radiasiya ilə bağlı xəstəliklərə məruz qalmasına səbəb oldu. Yaponiya 9 avqust 1945-ci ildə ikinci atom bombasının hədəfi oldu və ölkə böyük dağıntılarla üzləşdi. Atom bombası hücumlarında 200 mindən çox insan həyatını itirdi.

Günay