Çin qısa aradan sonra ABŞ-yə pandaları kirayəyə verəcək. Pandalar Kaliforniya ştatındakı "San Dieqo" zooparkına göndəriləcək. 

Sfera.az xəbər verir ki, CNN-ə verilən açıqlamada zooparkın yaxın gələcəkdə iki nəhəng pandaya sahib olacağı bildirilib. Çin Vəhşi Təbiəti Qoruma Dərnəyinin sədri də yerli mətbuata verdiyi açıqlamada pandaların tezliklə "San Dieqo" zoparkına göndəriləcəyi ilə bağlı məlumatı təsdiqləyib.

Xatırladaq ki, Çin və ABŞ arasında uzun müddət "panda diplomatiyası" həyata keçirilib. 2023-cü ilin dekabrında isə ABŞ Çindən gətirdiyi pandaları geri qaytarmaqla bu əməkdaşlığa son qoyub. 

Çin “panda diplomatiyası” adlı proqram çərçivəsində pandaları 20-dən çox ölkəyə icarəyə verir. Çin xalqının böyük rəğbətini qazanan pandalar uzun illərdir ki, digər ölkələrlə dostluğun möhkəmləndirilməsində, gərginlik yaşayan ölkələrlə buzların qırılmasında və ölkənin imicinin möhkəmlənməsində böyük rol oynayır. Pekinin Vaşinqtonla panda diplomatiyası 1972-ci ildə başlayıb, lakin Çin-ABŞ münasibətləri pisləşdikcə dayanıb. Keçən ilin dekabrında müqavilə müddəti bitdikdən sonra 3 panda geri qaytarılıb. 

Vasif