Bədən dili ilə öyrənəcəyimiz XÜSUSİYYƏTLƏR: "Bu insanları aldatmaq çox çətindir" - AÇIQLAMA
![Bədən dili ilə öyrənəcəyimiz XÜSUSİYYƏTLƏR:](https://sfera.az/photo/orginal/2024/02/08/1707392356_1705129687_419625446_1081088236650211_5996361646953678918_n.jpg)
Bədən dili əslində, insan şəxsiyyəti haqqında çox şey deyir.
Bəs bədən dili ilə insanlara xas hansı xüsusiyyətləri öyrənmək olar?
Mövzu ilə bağlı Sfera.az-a danışan bədən dili üzrə mütəxəssis Orxan Şahbaz bildirib ki, bədən dilində, əsasən, əllərin hərəkəti xüsusi önəm daşıyır.
“Sağ baş barmağı yuxarıya doğru, sağ əlin barmağını sola bükən insanlar çox emosial insanlardır. Bir insanın nə hiss etdiyini dərhal anlaya bilirlər. Bu keyfiyyətlərinə görə bu insanlarla dərdləşmək daha asanddır. İnsanları görünüşlərinə görə mühakimə etmirlər. Hadisələri diqqətlə analiz etdikdən sonra qərar qəbul edə bilirlər. Sol baş barmağı yuxarı, sol əlinin barmağını sağa bükən insanlar isə çox praktiki olurlar. Tələsik qərar vermirlər. Hər hansısa bir nəticə çıxarmazdan əvvəl diqqətli araşdırma və müşahidə edirlər. Üstəlik bu insanları aldatmaq çox çətindir. Bu tip insanlar yalan danışan insanları tez ayırd edə bilirlər”.
Mütəxəssis bildirib ki, hər iki baş barmağı eyni vəziyyətdə yuxarıya doğru saxlayan insanlar analitik insanlar olur.
“Digər insanların ehtiyacların və istəklərini tez başa düşürlər. Səmimi və dürüstlük xüsusiyyətləri ilə seçilirlər”.
Ülkər Abdurahmanlı