Evdə bişirdiyimiz kartof qızartması da insan sağlamlığı üçün olduqca ziyanlıdır.

Bəs kartof qızartmasının zərərləri nədir?

Mövzu ilə bağlı Sfera.az-a danışan dietoloq Məlahət Kərimova bildirib ki, kartof qızartması orqanizmdə müxtəlif patoloji proseslərin baş verməsinə səbəb olur.

“Qaynadılmış kartofdan fərqli olaraq, qızardılmış kartof yüksək glisemiq indeksə malikdir. Bu da özlüyündə, tez-tez iltihaba, qanda qlükozanın artmasına səbəb olur”.

Dietoloq diqqətə çatdırıb ki, bu proseslər öz növbəsində qan damarlarının divarlarında xolestrinin əmələ gəlməsinə şərait yaradır.

“Xolestrin, qan dövranına maneə törədir və beyinə lazımı maddələrin ötürülməsini pozur. Bu zaman beyində oksigen çatışmazlığı yaranır. Bu da özlüyündə beyindəki neyronların ölməsinə səbəb olur”.

Ülkər Abdurahmanlı