Maraqlı tarixə malik Kraliça Elizabetin eksklüziv “Range Rover”i satışa çıxarıldı - FOTO

2016 “Range Rover” Böyük Britaniyada satışa çıxarılıb. Avtomobil 224 850 funt sterlinqdir (284 600 dollar). Yüksək qiymət Böyük Britaniya kraliçası II Elizabet tərəfindən istifadə olunması ilə bağlıdır. 

 

Sfera.az bildirir ki, “Range Rover LWB Autobigraphy” 2016-2017-ci illərdə Kraliça II Elizabetə xidmət üçün alınmışdır. Barak və Mişel Obama bu avtomobilə Böyük Britaniya kraliçası ilə birlikdə miniblər.

 

Avtomobilin satışı ilə bağlı məlumat PistonHeads saytında yer alıb.

 

2016-cı ilin may ayında Britaniya kral ailəsinin qarajına daxil olan avtomobilin interyeri dəri və ağacla işlənib, avadanlıqlara dörd zonalı klimat-kontrol, elektrik ön və arxa oturacaqlar daxildir.

 

Avtomobil II Elizabet üçün modifikasiya edilib. “Range Rover”ə yanıb-sönən işıqlar, həmçinin Kraliçanın rahatlığı üçün xüsusi ayaq dayaqları hazırlanmışdır. Onun içəri girib-çıxmasını asanlaşdırmaq üçün pillələr və tutacaqlar quraşdırılıb. Kapotun altında 340 at gücünə malik 4,4 litrlik turbodizel V8 var.

Qeyd edək ki, Kraliça II Elizabet avtomobil idarə etməyi çox sevirdi. O, tez-tez müxtəlif “Land Rover” və “Range Rover”ləri idarə edirdi, lakin bu avtomobildə o yalnız sərnişin oturacağında gəzib. Mediada bu avtomobil Barak və Mişel Obama Böyük Britaniyaya səfəri zamanı kraliça ilə birlikdə sürdükləri zaman məşhurlaşıb. II Elizabetin həyat yoldaşı Şahzadə Filip “Range Rover”in sükanı arxasına keçib.

 

Arxa oturacaqlar elektriklə tənzimlənir

 

 

Maşın 2017-ci ildə satılıb, o vaxt onun yürüşü 4160 km olub. Hazırda o, artıq 29 min km yol qət edib, lakin mükəmməl şəkildə qorunub saxlanılıb.

 

Aysel

Sfera.az