"Qızlar bu sevgini özlərindən yaşca böyük kişilərdə axtarırlar" - Psixoloq

Son zamanlar yaşı az olan qızların, özlərindən yaşca böyük kişilərə meyilləndiklərinin şahidi oluruq. 16 yaşlı qızın 32 yaşlı kişiylə qaçıb evlənməsini də buna misal göstərmək olar.

Bəs nəyə görə qızlar özlərindən yaşca böyük oğlanlarla münasibət qurur?

Mövzu ilə bağlı Sfera.az-a danışan psixoloq Gülər Məmmədova bildirib ki, ailə qurmaq anlayışı hər kəs üçün fərdidir.

“Ailənin qurulması bir neçə prizmadan həyata keçirilir. Gənc qızların bir çoxu, əsasən, ailədən gələn tələblər əsasında tez ailə qururlar. Qızların ailə qurmaq üçün seçdiyi partnyorun yaşı onların düşüncəsinə uyğun seçilir. Ailədə ata sevgisindən məhrum böyüyən qızlar bu sevgini özlərindən yaşca böyük kişilərdə axtarırlar, onlara sığınmaq istəyirlər. Həmin adamlar çox imkanlıdırsa, qızlar həmin imkanın müqabilində ailə qurmaq istəyirlər. Onlar evləndikləri şəxsi deyil, onun pulunu sevirlər”.

Psixoloq diqqətə çatdırıb ki, bəzi qızlar ailələri tərəfindən məcburi şəkildə yaşca böyük kişilərə ərə verilirlər.

"Hətta həmin kişilərin boşanmış və uşaqlarının olmasına əhəmiyyət vermirlər. Hər kəsin gələcək ailəsini qurmaq modeli özünəməxsus olmalıdır. Hər bir qız öz seçimini özü etməlidir”.

Ülkər Abdurahmanlı