Əsrarəngiz gözəlliyi ilə seçilən Şri-Lankadan FOTOREPORTAJ
Çoxlarımızın Seylon kimi tanıdığı Şri-Lanka adası turistlərin istirahət məkanı kimi gündən-günə məşhurlaşır. Şri-Lankanın paytaxtı Kolombo çox böyük maraq kəsb edən şəhərlərdən biridir.
Şri-Lankada dünya irsinə daxil olan səkkiz məkan mövcuddur: Qalle, Kandi, Siqiriya, Anuradxapura, Pollonaruva, mağara məbədi Dambula, Mərkəz Dağları və Sinxaraca Milli parkı.
Şri-Lanka buddizmin beşiyi sayılır. Adanın çoxsaylı ziyarətgahlarında buddizm ilə bağlı xüsusi mərasimlər keçirilir. Yaxınlıqda yerləşən Xikkaduva və Unavatuna şəhərcikləri çimərlik istirahətinə üstünlük verənlərə, serfinq və dayvinq pərəstişkarlarına çox münasibdirlər. Çimərliklər təbii riflər - sualtı qayalarla mühafizə olunduğundan burada çimmək tam təhlükəsizdir.
Kolomboda geniş çeşidli mehmanxanalar fəaliyyət göstərir. Şri-Lanka ağac və fil sümüyü üzərində naxış sənəti, əl ilə işlənmiş maskalar, səbətlər və batiklər ilə tanınır. Adadaki illik orta temperatur +27°C təşkil edir, nisbi rütubət günorta saatlarında 70%-dan artıq, iyun ayında isə 90%-a çatır. İqlimdə əhəmiyyətli dəyişikliklər musson mövsümündə baş verir.
May-avqust və oktyabr-yanvar aylarında adada şiddətli yağışlar müşahidə olunur.
Əməkdaşımız dünyanın da maraq obyekti olan adadan fotoreportaj hazırlayıb. Həmin şəkilləri təqdim edirik:
Ülkər Abdurahmanlı
FOTOLAR: Anar Bayramlı
