Tailand polisi Pattaya kurort şəhərinin küçələrində “Bentley” avtomobilinin içərisində şir balası görünəndən sonra Sawanjeet (Savangit) Kosungnern adlı qadını həbs edib.
 

Sfera.az bildirir ki,Taylandda bu heyvanların alınması qanunla qadağan edilməsə də, rəsmi icazə almaq lazımdır. Vəhşi heyvanlar rəsmi qeydiyyatdan keçməlidir. Adı çəkilən qadının isə buna rəsmi icazəsi olmayıb.

Qalmaqal ağ rəngli “Bentley”nin arxa oturacağında yaxalıqlı şir balasının oturduğunun göründüyü videonun internetdə yayımlanmasından sonra yaranıb. Sürücü isə şir sahibinin dostu, Şri-Lanka vətəndaşı olub.

Lüks avtomobildə olan şir balası kurort şəhərciyinin sakinlərinin diqqətini çəkib.

İlkin məlumatlara görə, Savangit şir balasını Nakhon Pathom əyalətindən olan yerli sakindən alıb. Qadın heyvanın müvafiq rəsmi sənədlərinin olub-olmadığını yoxlamayıb. Ona görə də onların sövdələşməsi qanunsuz hesab olunur.
 

Qadın icazəsiz vəhşi heyvan saxlamaqda ittiham olunub. Buna görə onu bir ilə qədər həbs və 100 min baha (təxminən 106 min Amerika dolları) qədər cərimə gözləyir.
 

Polis həmçinin qadınla birlikdə yaşayan “Bentley”nin sürücüsünü də həbs etmək istəyib. Lakin hüquq-mühafizə orqanlarının əməkdaşları bunu edə bilməyiblər, çünki şübhəli şəxs artıq Taylandı tərk edib. Onu ictimai yerdə vəhşi heyvan gəzdirdiyinə görə altı aya qədər həbs və 50 min baht (təxminən 53 min Amerika dolları) cərimə gözləyir.


Bundan başqa, sənədlərini yoxlamadan şir balasını satan taylandlı da cəzalandırılacaq.
 

Rəsmi məlumatlara görə isə, hazırda Taylandda qanuni olaraq 224 şir saxlanılır.

Aysel

Sfera.az