Astronomlar planetə bənzər 85 obyekt kəşf etdilər

Astronomlar kosmosda həyatın olması ehtimal edilən planetə bənzər 85 obyekt kəşf ediblər.

Sfera.az xəbər verir ki, onları kəşf edən elm adamlarının sözlərinə görə, hələ temperaturları dəqiq müəyyən edilməyən bu "planet"lərdə istiliyin həyatı davam etdirmək üçün aşağı olduğu zənn edilir.

Ölçüləri Yupiter, Saturn və Neptuna yaxın olan bu ekzoplanetlər NASA-nın Tranzit Ekzoplanet Tədqiqat Peyki (TESS) tərəfindən aşkar edilib. TESS elm adamlarına tranzit kimi tanınan ulduzların qarşısından keçən cisimlərin yaratdığı parlaqlıq enişlərini müşahidə etməyə imkan verir.

85 ekzoplanetin öz ulduzları ətrafında dövr etməsi 20-700 gün arası olsa da, TESS tərəfindən müşahidə edilən əksər ekzoplanetlərin orbital dövrləri 3-10 gündür. Tədqiqatçıların sözlərinə əsasən, bəzi planetlər kifayət qədər uzaqdadırlar və onlar yaşamaq üçün lazımi temperaturda ola bilərlər. 

85 potensial ekzoplanetdən 60-ı yeni kəşf hesab olunsa da, onlardan 25-i TESS məlumatlarında müxtəlif üsullardan istifadə edilərək müstəqil tədqiqat qrupları tərəfindən aşkar edilib. 

Tədqiqatda iştirak edən professor Daniel Bayliss kəşflər haqqında bunları deyib: "Bu planetləri tapmaq və onların bir çoxunun yaşamaq üçün lazımi temperatur dərəcəsində ola biləcəyini bilmək çox həyəcanvericidir".

İnci