İtaliyanın Siciliya bölgəsində təxminən 100 il əvvəl vəfat edən iki yaşlı Rosalia (Rozaliya) Lombardonun mumiyalanmış cəsədinin dünyanın qorunub saxlanmış "ən gözəl insanı” olduğu deyilir.

Sfera.az bildirir ki, “Dünyanın ən gözəl mumiyası” olduğu deyilən qızla bağlı qəribə və fövqəltəbii fərziyyələr irəli sürülür.

Rozaliya Lombardo təxminən 100 il əvvəl iki yaşında vəfat edib. Hər il minlərlə ziyarətçi Rozaliyanın mumiyasını görməyə gedir.

“Şüşə tabutdakı qız”ın bəzi turistlərə göz qırpdığı iddia edilir.
 

Rozaliyanın mumiyası çox yaxşı qorunduğu üçün sarı saçları və parlaq dərisi canlı görünür. Bəzi ziyarətçilər Rozaliyanın gözlərini qırpdığını iddia edirlər. Bununla belə, bunun sadəcə bir işıq hiyləsi olduğunu deyənlər də var.

"Onun gözləri tamamilə bağlanmayıb və əslində heç vaxt bağlanmayıb”.
 

Rosaliyanın tapıldığı Kapuçin Katakombalarının kuratoru Dario Piombino-Mascali:

“Bu, yan pəncərələrdən işıq süzülməsi nəticəsində yaranan optik illüziyadır və gün ərzində dəyişə bilər"-deyir

Rozaliyanın mumiyasının çox yaxşı vəziyyətdə olduğu üçün onun saxta olması ilə bağlı fərziyyələr də var.

Bu fərziyyələrdən lazımi sınaqlar aparılıb. Təhlillər onun orqanlarının hələ də bütöv olduğunu və beynin orijinal ölçüsünün yalnız 50%-nə qədər kiçildiyini ortaya qoyub. X-şüaları onun ayaqlarının və qollarının bütöv olduğunu müəyyən edib.

Rozaliyanın ölüm hekayəsi məlum deyil, lakin vəfat etdikdən sonra atası qızı tərk edə bilmədiyi üçün onu mumiyaladığı deyilir.

Rozaliyanın İtaliya ordusunun generalı olan zəngin Siciliya zadəgan Mario Lombardonun qızı olması ilə bağlı da fikirlər var.

Qeyd edək ki, Palermonun Kapuçin katakombalarında 8000-dən çox cəsəd var, onlardan 163-ü uşaqdır.

2022-ci ilin yanvarında alimlər Siciliyada uşaq mumiyalarının sirrini açmağa çağırıldı. Balzamlama Rosaliya kimilərin dərisini qorumaq üçün sink, turşu və spirt kimi məhsullardan istifadə edən Alfredo Salafia tərəfindən edilib. Layihəyə rəhbərlik edən Staffordshire Universitetindən Dr Kirsty Squires “Guardian”a verdiyi açıqlamada:

“Yanvarda tarla işlərimizi aparacağıq. Biz portativ rentgen aparatını götürəcəyik və uşaqların müxtəlif bucaqlardan yüzlərlə şəklini çəkəcəyik. Bioloji tapıntıları öyrənməklə onların inkişafını, sağlamlığını və şəxsiyyətini daha yaxşı başa düşməyə ümid edirik”.

Qeyd edək ki, bu araşdırmanın nəticəsi hələ açıqlanmadığı üçün, gedişatın növbəti mərhələləri haqqında ətraflı məlumat təqdim edə bilmirik.
 

Xanım

Sfera.az