Yediyimiz qidaların sağlamlığımıza böyük təsiri var. Bol tərəvəz istehlak etmək və şəkəri minimuma endirmək sağlam yaşamaq üçün yaxşı başlanğıc hesab olunur.

Tərkibindəki C vitamini sayəsində meyvələr əzələ zədələrini və ağrıları azaldır, kollagen istehsalı ilə göz sağlamlığını dəstəkləyir. Bu qidalardan bir neçəsi insan orqanizminə xeyirli olduğu qədər, yaşlanmanın da qarşısını alır.

Pomidor

Pomidor yemək dərimizi "içəridən xaricə" qocalmaqdan qoruyur və qırışlarla mübarizə aparmağa kömək edir. Pomidordan başqa, ispanaq, qırmızı bibər, kök və kələm kimi tərəvəzlər də antioksidantla zəngindir.

Dənli bitkilər və onlardan hazırlanan məmulatlar

Dənli bitkilər və onlardan hazırlanan məmulatlar yaşlanma əleyhinə effektivdir: sıyıq, qəhvəyi makaron, düyü və s. Tərkibi yalnız taxıl məhsullarından ibarət qidalar, hormonları yaşlandıqca dəyişməyə başlayan qadınlarda enerjini tarazlaşdırmaq üçün xüsusilə faydalı ola bilər. Ağ və təmizlənmiş karbohidratlardan fərqli olaraq, onlar enerjini yavaş-yavaş buraxdıqları üçün dərimizdəki kollageni zədələmir. Bu qidalar ürək xəstəliyi, bağırsaq xərçəngi, diabet, insult kimi ölümcül xəstəliklərin riskini azaltmağa kömək edir.

Fındıq

Fındıq E vitamini, zülal və omeqa-3 yağ turşuları və dərinin yenilənməsinə kömək edən sink kimi minerallarla zəngindir.

Yağlar

Somon və Sardina kimi yağlı balıqlar qan təzyiqini və ümumi ürək sağlamlığını idarə etməyə kömək edən vacib omeqa-3 yağları ilə zəngindir. Bu yağlar həm də təbii yağ baryerini qoruyaraq, dərini nəmləndirir və incə xətlərin görünüşünü azaldaraq dərinizin gözəl görünməsini təmin edir. Sağlam yağların başqa bir mənbəyi ürək sağlamlığına kömək edə bilən zeytun və kolza yağıdır.

Ülkər Abdurahmanlı