Əsasən smartfon istehsalı ilə tanınan və qəhvəhazırlayan maşınlarından ağıllı tozsoranlara qədər müxtəlif texnoloji məhsulları ilə evlərimizə daxil olan Xiaomi yeni istehsal sahəsinə daxil olur. İllərdir gündəmdə olan və hər dəfə təxirə salınan avtomobil layihəsi nəhayət, reallaşıb.

Sfera.az xəbər verir ki, Xiaomi SU7 və SU7 Max avtomobillərinin rəsmi təqdimatını təşkil edib.

SU7 və SU7 Max-ın batareyaları BYD və CATL ilə əməkdaşlıq sayəsində 73,6 kVt/saat və 101 kVt/saat tutumlu akkumulyatorlarla müvafiq olaraq 668 km və 800 km məsafə vəd edir.

Şirkətin "İnsan-Avtomobil-Ev " planı ilə bağlı atdığı ən böyük addım olan SU7-nin kabinini əhatə edən böyük ekranlar HarmonyOS əsaslı əməliyyat sistemi təqdim edir. Oturacaqların arxasındakı planşetlər avtomobilin içərisindəki texnoloji bütövlüyü tamamlayır.

Avtomobilin qiyməti ilə bağlı heç bir açıqlama verilməsə də, söz-söhbətlər SU7-nin 300 min yuan (73 min manat) olduğunu göstərir. İstehsalın başlanması üçün 2024-cü ilin birinci yarısı göstərildiyi üçün qiymətlərin tezliklə açıqlanacağı gözlənilir.

Firuzə Əliyeva