Qədim Romanın möhtəşəm saraylarında imperator taxtında oturan bir qadın təsəvvür edin. Amma bu qadın adi imperatriça deyil. O, Romanın ən mübahisəli simalarından biridir: sevgini, gücü və xəyanəti eyni anda yaşayan, qalmaqallı həyatı ilə əsrlərdir hekayəsi dillərdə dolaşan- Messalina.

Hakimiyyət iddiası və seks qalmaqalları ilə adını tarixə yazan bu qadının hekayəsi Qədim Romanın möhtəşəm və vəhşi dünyasına qapı açır.

Sfera.az “İmperatorluq fahişəsi” adlandırılan Messalina haqqında yazı təqdim edir.

Valeriya Messalina e.ə. 38-ci ildə özündən təxminən 30 yaş böyük olan Tiberius Klavdius Neron Germanicus ilə evlənib.

Bu evlilik zamanı Messalina 18, Klavdi isə 47 yaşında idi. Cütlük birinci imperator Avqustun bacısı Oktavianın nəslindən olan ilk əmiuşağı idi.

Klavdi üçün bu evlilik Messelinanın əvvəlki arvadlarından fərqli olaraq, daha prestijli ailədən olduğu üçün şərəf idi.

Lakin Messalina üçün vəziyyət fərqli idi. Onun əri Klavdi, görünən əlilliklərinə görə bütün həyatı boyu “ailənin utancı” sayılırdı. Belə ki, Roma əlillər üçün düşmən bir yer idi və Klavdi bunu ən yaxşı bilənlərdən biri idi. Bacı-qardaşlarının adlı-sanlı evlilikləri olsa da, Klavdinin heç bir nüfuzu yox idi.

Cütlüyün iki övladı doğuldu və Klavdi gözlənilmədən imperator oldu.

Kaliqula e.ə 41-ci ildə öldürüldükdən sonra Klavdi ordu qərargahına sığındı və Senatı onu imperator kimi qəbul etməyə razı saldı. Bu nöqtədə Klavdi hər kəsin gözləntilərini üstələyən uğurlu bir lider olduğunu sübut etdi.

Klavdinin imperatorluğunun altıncı ilində Messalina bir pisliyə çevrildi.

O, şəxsi düşmənlərini cəzalandırmaq üçün Klavdini manipulyasiya edir, məhkəmə sistemindən, dövlətin funksiyalarından öz eqoist məqsədləri üçün istifadə edib, ona qarşı çıxanlardan qisas alırdı.

Messalinanın sonunu isə öz hərəkətləri gətirdi.

48-ci ildə Messalina senator Gaius Silius ilə sevgi münasibətinə başlayanda vəziyyət dəyişdi.

Klavdi şəhərdən kənarda olarkən cütlük özünə toy edib.

Bu toy xəbər Klavdiyə tez çatdı. Xəbəri alan Klavdi Messalina və Siliusun onu devirmək üçün sui-qəsd hazırladıqlarına inandı və dərhal onları həbs etdirərək, hər ikisini öldürdü.

Messalinanın xatirəsinə qarşı “Yaddaşın edamı” qərarı çıxaran Roma hökuməti onun adını ictimai və özəl yerlərdən silib, heykəllərini dağıdıb.

Lakin bu qərar Messalinanın xatirələrini tamamilə silə bilmədi.

Tarixçilər və yazıçılar tez-tez Messalinanın həyatını qalmaqallı ifadələrlə təsvir ediblər.

Xüsusilə Messalinanın cinsi iştahına diqqət yetirərək, onun siyasi həyatına əhəmiyyət verilməyib. Buna görə də bu, Messalinanın yalnız cinsi obyekt kimi görünməsinə, onun real həyatına və təsirlərinə kölgə salmasına səbəb olub.

Tarixçi Tacitus, Kassius Dio və başqaları Messalina haqqında cinsi əlaqəni çox sevən biri olduğunu yazırdılar.

Seks işçisi ilə kimin daha çox sekslə məşğul ola biləcəyi mövzusunda yarışan Messalinanın 25 cinsi əlaqədən sonra müsabiqədə qalib gəldiyi deyilir. Şair İuvenalis ona “İmperator fahişəsi” ləqəbi verib və Messalinanın günəş çıxana qədər fahişəxanada işlədiyini iddia edib.

Messalinanın intriqa yaratmaq, güc toplamaq və Klaudiusu idarə etmək qabiliyyəti onun mürəkkəb fiqur olduğunu göstərir.

Populyar mədəniyyət çox vaxt bu cəhətlərə məhəl qoymur və onu sadəcə olaraq mənəvi dəyərlərdən məhrum bir qadın kimi təqdim edir.

İmperator kimi Messalina Romanın ən güclü adamları ilə məşğul olmalı, manipulyasiya etməli və bəzən onları idarə etməli idi.

Bu, təkcə onun cinsi cəlbediciliyi ilə deyil, həm də zəka və liderlik qabiliyyəti ilə nümayiş etdirilirdi.

Onu sadəcə olaraq “İmperator fahişəsi” və ya “Romada hamı ilə yatmış qadın” kimi xatırlamaq da doğru olmaz.

Xanım

Sfera.az

Seks qalmaqalları ilə məşhur olan “İmperatorluq fahişəsi”