Siqareti tərgitməyin sağlam yolu kimi satılan elektron siqaretlərin satışı hazırda 34 ölkədə qadağandır. Dünyanın ən böyük elektron siqaret bazarına sahib olan ABŞ-də onun qadağan edilməsi ilə bağlı heç bir irəliləyiş yoxdur.

Sfera.az xəbər verir ki, statistikaya görə, ABŞ-də hər 20 yaşlı adamdan biri, yəni 11 milyon insan elektron siqaretdən istifadə edir. Lakin gənclər arasında istifadə müəyyən yaş qruplarında daha yüksəkdir.

Tütün şirkətləri elektron siqaretlərin ənənəvi siqaretlərdən daha təhlükəsiz olduğunu və sağlamlıq risklərini əhəmiyyətli dərəcədə aşağı saldığını iddia edirlər. Lakin sübutlar göstərir ki, cihazlar ağciyərləri zədələyən, ürək və ağciyər problemləri riskini artıran təhlükəli maddələr istehsal edir.

Ümumdünya Səhiyyə Təşkilatının baş direktoru ölkələri öz vətəndaşlarını, xüsusən də uşaqları və gəncləri qorumaq üçün siqaretdən istifadə ilə bağlı sərt tədbirlər görməyə çağırıb. Elektron siqaretlər sosial media vasitəsilə uşaqları hədəf alır. Bu məhsulların bəziləri reklamlarında cizgi filmi personajlarından istifadə olunub və gənc nəslin diqqətini cəlb edən qəşəng dizaynlara malikdir.

Son üç ildə altı ölkə: Kabo Verde, Laos, Nikaraqua, Norveç, Türkiyə və Vanuata elektron siqaretin satışını tamamilə qadağan etmək üçün hərəkətə keçib.

Eyni dövrdə dörd ölkə: Misir, Küveyt, Bəhreyn və Fələstin fərqli bir yol tutaraq elektron siqaretə qoyulan məhdudiyyətləri aradan qaldırıb. 

Təxminən hər beş yetkin insandan birinin siqaret çəkdiyi və Yaxın Şərqin ən çox siqaret çəkən ölkəsi olan Misir qadağanı 2022-ci ildə götürüb.

Milyonlarla məktəb şagirdinin elektron siqaretdən istifadə etdiyini göstərən böyük bir analizə görə, elektron siqareti sınayan uşaqların yarısı siqaretə aludə olur.

Firuzə Əliyeva