Fransada maraqlı qanun qəbul edilib.

Sfera.az bildirir ki, ölkə parlamentində kənd yerlərində xoruzların vaxtsız banlamaq hüququ müzakirə olunub.  Bildirilib ki, yeni qərardan sonra Fransanın kəndlərində xoruzların banlaması, itlərin hürməsi, təsərrüfat texnikasının səsi və ya peyin iyindən narahat olan insanlar üçün şikayət etmək o qədər də asan olmayacaq.

“Euronews”un məlumatına görə,  ölkə parlamenti qonşular arasında münaqişələri məhdudlaşdırmaq və yeni kənd sakinlərinin  fermerlərə qarşı “zərərli” iddialar qaldırmasının qarşısını almaq məqsədilə qanun qəbul edib.

Millət vəkili Nikol Le Peyh tərəfindən təqdim edilən və prezident Emmanuel Makron hökumətinin də dəstəklədiyi layihə 78 səslə qəbul olunub, səsvermə üçün Senata göndərilib.

Ədliyyə naziri Erik Dupond-Moretti  isə “X” sosial şəbəkə hesabındakı paylaşımında bunları qeyd edib: “Bu, fermerlərə qarşı pis niyyətli məhkəmə çəkişmələrinə son qoyacaq. Fikrimcə, bu, sağlam təklifidir”.

Türkan