Orta seqmentdə böyük diqqət çəkən flaqman və cib telefonu modelləri ilə gündəmdə olan "Xiaomi" 2021-ci ildən bəri planlaşdırdığı elektrikli avtomobil bazarına nəhayət daxil olur. 

 
Sfera.az xəbər verir ki, son illərdə bir çox Çin şirkəti elektromobil sənayesinə qarışaraq Avropa modelləri üzərində üstünlük qazanmağa başlayıb. 

Rəsmi sənədlərə əsasən, "Xiaomi" “SU7” seriyasını gözləniləndən daha tez bazara çıxaracaq.

"Xiaomi" artıq Çində elektrikli avtomobillərin satışı üzrə lisenziya almaq üçün müraciət edib. 

"Xiaomi" “SU7” və “SU7 Max” modellərinin inkişafı üçün istehsalı da öz üzərinə götürəcək “BAIC Group” ilə əməkdaşlıq edir. İki avtomobilin dizaynı çox oxşar olsa da, çox əhəmiyyətli fərqlər var. Hətta fərqli akkumulyator texnologiyalarına malik olan iki avtomobilin maksimal sürəti müvafiq olaraq 210 km/saat və 265 km/saat, çəkiləri isə 1980 kq və 2205 kq-dır.

Firuzə Əliyeva