“ChatGPT”, “DALL-E”, “Midjourney” kimi yeni texnologiya növü bir sıra peşələri sıradan çıxara bilər.

Sfera.az bildirir ki, bu barədə “Euronews” məlumat yayıb. Qeyd olunub ki, siyahıya müəllimlər, qrafik dizaynerlər, film istehsalçıları, aktyorlar və digərləri daxildir.

““Microsoft” şirkətinin sahibi, milyarder Bill Qeytsə görə, süni intellektin inkişafı dünyanı dəyişəcək.

Nəşr iddia edir ki, bu təlatüm nəinki yeni peşələrin yaranmasına gətirib çıxaracaq, həm də istər-istəməz bəzi mövcud peşələrin dəyişdirilməsinə və ya hətta ləğvinə gətirib çıxaracaq. Süni intellektin təsir etdiyi üç əsas peşə var: aktyorlar, müəllimlər və rəssamlar…”.

“Euronews” qeyd edib ki, “ChatGPT” müəllimlər üçün real təhlükəyə çevrilib: “Bir sıra araşdırmalara görə, təhsildə istifadə edilən süni intellekt (Aİ)  tədris prosesini əhəmiyyətli dərəcədə dəyişə bilər. Bu, xüsusən adaptiv öyrənmə ilə əlaqədardır, yəni tədris metodları şagirdin öz ehtiyaclarını ən yaxşı şəkildə ödəməsi üçün avtomatik olaraq fərdiləşdirilir. Adaptiv tədris isə artıq “ChatGPT” kimi alət proqramlarında hazırlanır”.

Nəşrin məlumatına görə, “Dall-E “və ya “MidJourney” kimi bir sıra şəkillər yarada bilən texnologiya isə rəssamlar və qrafik dizaynerlər üçün vəziyyəti çətinləşdirir. “Mütəxəssislər son irəliləyişləri iqtisadi fəlakətlə əlaqələndiriliblər. Bu rəqəmsal inqilabın fonunda, bir sıra sektorlarda artan narahatlıq hissi var”

ABŞ-dəki Rochester Texnologiya İnstitutunun dekan müavini Penqçen Şi isə süni intellektə düşmən deyil, müttəfiq kimi baxılmalı olduğunu vurğulayıb: “Düşünürəm ki, müəyyən müəllimlərin funksiyaları dəyişdiriləcək, lakin süni intellekt işimizdə bizə kömək etməyə davam edəcək. Amma bunun baş verməsi üçün biz ona uyğunlaşmalıyıq”.

Günay