SpaceX yeni xüsusiyyətini təqdim edib.

Sfera.az xəbər verir ki, SpaceX “Starlink - Direct to Cell” xidməti ilə indi baza stansiyalarının olmadığı yerlərdə belə zəng etmək, mesaj göndərmək və internetə qoşulmaq imkanı verəcək.

Qeyd edək ki, “Apple” keçən il telefonlarına “Fövqəladə SOS” funksiyasını əlavə etdi ki, bu da iPhone 14 və daha yeni cihazlara fövqəladə hallarda peyk vasitəsilə məhdud mesajlar və məkan məlumatı göndərməyə imkan verir.

Bundan əlavə, qəza aşkarlama xüsusiyyəti sayəsində şirkət heç bir şəbəkə olmasa belə, yol qəzalarından sonra peyk vasitəsilə ilk yardım qrupları ilə yer məlumatlarını paylaşa bilir. Beləliklə, qəza qurbanları üçün daha erkən müdaxilə mümkün olur.

Bu arada, AT&T tərəfindən dəstəklənən mobil peyk şirkəti “AST SpaceMobile” keçən ay bir smartfondan 5G üzərindən ilk peyk zəngi etdiyini açıqlayıb.

Firuzə Əliyeva