Alimlər süni intellektlə toyuq səslərini tərcümə etdilər - BİR İLK
Yapon alimləri toyuqların səslərini süni intellektlə tərcümə etməyin yolunu tapdıqlarını bildiriblər.
Sfera.az xarici KİV-ə istinadən xəbər verir ki, tədqiqatçılar toyuqların səslərini təhlil etmək üçün süni intellekt texnologiyasından istifadə edərək aclıq, qorxu, qəzəb, məmnunluq, həyəcan və sıxıntı kimi altı fərqli emosional vəziyyəti 80% dəqiqliklə tərcümə edə bildiklərini deyirlər.
Tokio Universitetinin professoru Adrian David Çeok bu araşdırma üçün səkkiz heyvan psixoloqu və baytar cərrahdan ibarət komanda ilə əməkdaşlıq edib.
Onlar 80 toyuqdan götürdükləri 200 saata yaxın səs yazısını təhlil ediblər. Onun 100 saatı süni intellektə verilib və hər bir toyuq səsi emosional vəziyyətlə əlaqələndirilib.
Araşdırmaya rəhbərlik edən Çeok "bu, elm üçün irəliyə doğru böyük bir sıçrayışdır! Və bu, yalnız başlanğıcdır”,- bildirib.
Digər tərəfdən, o, bu texnologiyanı fərqli heyvanlara uyğunlaşdırmaq istədiyini də qeyd edib.
Firuzə Əliyeva
