“Fulham” futbol klubunun keçmiş sahibi, misirli milyonçu Məhəmməd Əl Fayed 94 yaşında dünyasını dəyişib.

Sfera.az bildirir ki, bu barədə klub məlumat yayıb.

“”Fulham”dakı hər kəs keçmiş sahibimiz və sədrimiz Məhəmməd Əl Fayedin vəfatına görə kədərlidir. Biz ona klubumuz üçün etdiklərinə görə minnətdarıq və bu çətin vaxtda ailəsi və dostlarının yanındayıq”, deyə məlumatda bildirilib.

Qeyd edək ki, “Forbes”in məlumatına görə, iş adamının sərvəti 2022-ci ilin noyabrında 1,9 milyard dollar olub. 20 yanvar 1929-cu ildə İsgəndəriyyədə anadan olan Əl Fayed karyerasına Misirdə başlayıb. Daha sonra Səudiyyə Ərəbistanı milyonçusu Adnan Kaşıkçının bacısı Semira Khashoggi ilə evlənib. Əl Fayedin oğlu Dodi 1981-ci ildə “Od Maşınları” filminin prodüseri olub və film 4 Oskar qazanıb. Dodi Əl Fayed 31 avqust 1997-ci ildə Fransada şahzadə Diana ilə yol qəzasında ölüb.

Türkan