Cənubi Koreyalı bir influencer həddən artıq redaktə edilmiş fotolar yayımladıqdan sonra sosial mediada böyük səs-küyə səbəb olub. Shashaeile adlı influser Instagram-da yarım milyondan çox izləyiciyə malikdir və geyim mağazasını tanıtmaq üçün foto, video məzmunlar dərc edir.

Lakin onun son paylaşımlarında Photoshop-da ağır redaktədən keçən fotolar var.

Sfera.az bildirir ki, məşhur Shashaeilenin son fotoları lazımsız müzakirələrə çevrilib. Qız qeyri-təbii uzun əzaları, iri döşləri, kiçik başı və kəskin V formalı çənəsi ilə özünü tamaşaçılara göstərib.
 

Gülməli görüntünü nəhəng döşlər, kiçik bel və uzun boyun tamamlayıb.


Abunəçilər Şashaeilenin paylaşımlarına şərh yazaraq, istehzalardan yayınmayıblar.
 

"O, çox təbii və real görünür!!!" – abunəçilərdən biri istehza ilə yazıb.
 

"Bütün filtrlər və redaktələr olmadan onu görmək istərdim"- deyə başqa biri şərh yazıb.
 

Çoxları qeyd edib ki, artıq təhrif olunmuş fondan şəkillərin redaktə olunduğunu başa düşmək olar.


Başqa bir istifadəçi "O, özlüyündə kainatdır, zaman və məkanı necə seçir" - deyə zarafat edib.
 

Mesaj axınını dayandırmaq üçün Shashaeile səhifədə şərh moderasiyasını aktivləşdirməli olub.
 

Qeyd edək ki, Cənubi Koreya, digər şeylər arasında, qadınların görünüşü ilə bağlı ən sərt tələblərdən bəziləri ilə tanınır. Burada qabaqcıl plastik cərrahiyyə, dəriyə qulluq prosedurları və s. aiddir. Qadınlarda xüsusilə təqdir olunur: nazik V formalı alt çənə, solğun dəri, qoşa göz qapaqları, nazik burun və kiçik üz.


Statistikaya görə, Cənubi Koreyada 19-20 yaşlarında olan qadınların təxminən 25%-i hansısa formada plastik əməliyyat keçirib.
 

Ölkədəki bu cür yüksək gözəllik standartları feminist təşkilatları qəzəbləndirir. Hətta ötən il cərrahi əməliyyatlara həsr olunmuş məşhur yerli televiziya şousu ictimai qınaq səbəbilə bağlanmışdı.

Aynil

Sfera.az