Sfera.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - yeni imkanlar və perspektivlər vəd edən gündür. Məqsədə çatmaq üçün yeni yollar aramaqdan, problemlərin həllində cəsur və ekstraordinar qərarlar qəbul etməkdən çəkinməyin.

Biznes və ya kommersiya fəaliyyəti üçün uğurlu gündür.

Daşınmaz əmlak, nəqliyyat vasitəsilə ilə bağlı qərarlar qəbul etmək olar.

Günün ikinci yarısı xoş görüşlər, yeni tanışlıqlar zamanıdır. Dəyər verdiyiniz insanlarla görüşün. Sizi narahat edən məsələni müzakirə edə bilərsiniz.

Yaşam potensialının səviyyəsi yüksəkdir. Axşam saatlarında aktiv istirahəti seçin.

Buğa - yeni işlərə cəsarətlə başlaya bilərsiniz. İndiyədək çox mürəkkəb və ağır saydığınız layihəni həyata keçirməyə başlayın. Çətinliklərdən qorxmayın, maneələrdən çəkinməyin. Ən ağır problemi belə, həll edə bilərsiniz. Dəstək və ya yardım üçün müraciət etdiyiniz insanlar sözlərinizi qulaqardına vurmayacaqlar. Uzunmüddətli əməkdaşlıqla bağlı məqamları müzakirə etmək, nəzərdən keçirmək olar.

Günün ikinci yarısı şəxsi münasibətlər baxımından sərfəlidir. Təmaslarda diqqətli və həssas olun.

Rasiona fikir verin. Yağlı yeməklərdən, qazlı içkilərdən imtina etsəniz, əhvalınız yaxşı olacaq.

Əkizlər - mürəkkəb və ağır gündür. Ehtiyatlı olsanız, işlərinizdə ciddi problemlər yaranmayacaq. Maliyyə məsələlərində sərvaxt davranın. Bütün qərarlarınız yaxşı düşünülüb-daşınılandan sonra verilməlidir.

Yeni işgüzar tərəfdaşlarla münasibətlərə başlamağa tələsməyin. Başqasının hesabına uğur qazanmaq istəyən insanlar bu gün sizi hədəfə alıblar.

Günün ikinci yarısında qəfil, planlaşdırılmamış səfərə yollanmağa dəyməz. Amma belə səfər qaçılmazdırsa, yolda məsrəflərin olacağına hazırlaşın.

Xırda məsələlərə görə münaqişələr yaratmayın. Münasibətlərin kəskinləşməsinə imkan verməyin.

Xərçəng - günün ilk yarısında uğurlar istisna deyil. İrəliləyişləri gözləntilərinizdən də artıq ola bilər. Ən mürəkkəb situasiyadan, ağır vəziyyətdən çıxış yolu tapmağa çalışın. Yaxın gələcəklə bağlı fəaliyyət planını hazırlayın. Sizə yardım edə biləcək insanlarla danışaraq birgə fəaliyyətlə bağlı razılıq əldə etsəniz, pis olmaz.

Günün ikinci yarısında mənfi təmayüllərin təsiri güclənəcək. Vəziyyətin ağırlaşması, əhvalınızın pozulması istisna deyil. Emosiyalarınıza hakim olun, hisslərinizə əsir düşməyin. Münaqişə və ya emosional açıqlamalar sakitləşməyinizə yardım etməyəcək.

Təmkinli, soyuqqanlı davranın.

Şir - liderlik məziyyətlərinizin nümayişi üçün münasib zamandır. Rəqibləri üstələmək, mübarizəni qələbə ilə başa vurmaq üçün qətiyyətli, iradəli olun.

Diqqətli icra və təfərrüatların nəzərə alınmasını ehtiva edən işin öhdəsindən müttəfiqin, tərəfdaşın və ya dostun yardımı olmadan da gələ bilərsiniz.

Fiziki işdə zərər yoxdur.

Günün ikinci yarısında xoşagəlməz situasiya yarana bilər. Vəziyyətin bu məcrada formalaşmasının səbəbkarı sizdə böyük rəğbət doğurmayan insandır. Kiçik, amma xoşagəlməz maliyyə itkiləri istisna deyil. Nəqliyyat vasitəsində nasazlıq yarana bilər.

Qız - günün ilk yarısı qarışıq və təlatümlüdür. Ciddi qərarlar verməyə tələsməyin. Situasiyanın təhlil edin, durumun mənfi və müsbət yönlərini dəyərləndirin. Etibar etdiyiniz, inandığınız insanlara güvənin. İstənilən diskussiya, müzakirə zamanı soyuqqanlı, təmkinli olun. Əks təqdirdə fəsadları uzun müddət unudulmayacaq münaqişə yarana bilər.

Günün ikinci yarısında qarşınızda yeni imkanlar yaranır. Fərqli təklifəlr alacaqsınız. Yeni ideyalarınızı dəyərləndirin.

Ciddi qərarlar üçün münasib zaman deyil.

Axşam saatlarında sakit istirahəti seçin.

Tərəzi - uğurlu, əlverişli gündür. Yaşamın bir çox sahələrində nailiyyətlər əldə etmək olar. Süst, astagəl olmayın. Tənbəllik etməyin. Əyləncə və istirahətlə bağlı fikirləri təxirə salın. Gəlirlər istisna deyil. Əldə edəcəyiniz pulun məbləği düşündüyünüzdən də artıq ola bilər.

Yaşam potensialınızın səviyyəsi böyükdür. Səhhətinizdə problemlər yaranmayacaq. Günün ikinci yarısında ən ağır iş belə, sizi yormayacaq. Yaşam və fəaliyyət arealının təmizlənməsi, təmirə başlamaq üçün yaxşı gündür.

Axşam saatlarında aktiv istirahəti seçin.

Əqrəb - yaradıcı yanaşma, təxəyyül tələb edən işlər üçün əlverişli zamandır. Yaxın ətrafınızdakı insanlar qərarlarınızı bəyənməyə bilər. Lakin bu, həmin qərarların yanlış olduğu anlamına gəlmir. Yaxın ətrafınızdakı insanlar bəzi qərarlarınızı sərt tənqid etsələr də, haqlı olduğunuzu az sonra etiraf edəcəklər.

Günün ikinci yarısında məhsuldar əməkdaşlığa başlamaq olar. Şəxsi münasibətləri peşəkar fəaliyyətlə qarışdırmayın.

Ünsiyyətin cari formasında yenilikliklər etimək şansı var. Bunun üçün böyük səylərə ehtiyac yoxdur.

Kommersiya fəaliyyəti ilə məşğul olaq, anlaşma və sövdələşmələri müzakirə etmək məsləhət deyil. Ticarətlə məşğulsunuzsa, problemlərlə qarşılaşacaqsınız.

Oxatan - istənilən formada ciddi məsələlərin həlli üçün münasib zaman deyil. Yaxın ətrafınızdakı insanlarla dil tapmaq asan deyil. Ən yaxın adamların əhvalını hiss etməyə, onları qayğılandıran məsələlərdən agah olmağa çalışın. Sözlərinizdə diqqətli olun. Qaba və sərt davranmayın.

Önemli görüşlərdə və işgüzar danışıqlarda ifrat "səmimiyyət"ə varmayın. Etiket qaydalarını pozmayın.

Günün ikinci yarısında uzunmüddətli planlar qurmaq olar. Peşəkar fəaliyyət müstəvisi və ya kommersiya işlərində irəliləyişə nail ola bilərsiniz. Yaxşı gəlir əldə etməyə imkan verəcək ideyalar formalaşacaq.

Oğlaq - əlverişli və yaxşı gündür. Başladığınız işlərdə uğur əldə edə bilərsiniz. Planların reallaşdırılmasını təxirə salmayın. Emosional tələbatları yerinə yetirmək əvəzinə maliyyə imkanlarının artırılmasına yönəlmiş layihəyə üstünlük verin.

Dəyər verdiyiniz insanlarla münasibətlərin harmonik olmasına çalışın. Mürəkkəb və önəmli məsələlərin həllində ciddi fikir ayrılıqlarının yaranmasına imkan verməyin.

Axşam saatlarında açıq havada mümkün qədər çox vaxt keçirin. Belədə səhhətinizdə problemlər yaranmaz. Ağır fiziki işlə məşğul olmayın.

Dolça - qarışıq, çalxantılı gündür. Baş verən hadisələrin gerçək mahiyyətini anlamağa çalışın. Yaxınlarınızla fikir ayrılıqları və ixtilaflar istisna deyil. İşdə həmkarlarınızla mübahisələr yarana bilər. Bütün olaylara görə özünüzü suçlamayın. Real və ya uydurma fəsadlarda yaxın ətrafınızdakı insanların da suçu var.

Günün ikinci yarısı yaradıcılıq fəaliyyəti, bilik və bacarıqların nümayişi üçün əlverişlidir. Emosional problemlərin öhdəsindən gəlməyə imkan verəcək məlumat alacaqsınız.

Balıqlar - gün sakit keçir və hadisələrin belə rəvan axarının pozulmaması üçün səylər göstərin. Qarşınıza qoyduğunuz məqsədləri müəyyənləşdirin, prioritetləri konkretləşdirin. Xırda və önəmsiz məsələlərə həddən artıq vaxt sərf etməyin. Əks təqdirdə arzuladığınız nəticələri əldə etməyəcəksiniz.

İşdə rəhbərliklə mübahisə etməyin. Nüfuzlu insanlarla münasibətləri sərtləşdirməyin. Aşkar qarşıdurmaya başlamaq zamanı deyil.

Axşam saatları sürprizlər vəd edin. Gün düşündüyünüzdən də uğurludur. Romantik təmaslar və dostlarla görüş üçün əlverişli zamandır.

Axşam saatlarını tənhalıqda keçirmək də olar.

Günün qoroskopu: Dörd bürcün həyatı dəyişəcək