Tekstil sənayesi əsrlər boyu demək olar ki, dəyişməz qalıb. Lakin davamlılıq və rəqəmsallaşma istehsalda yeni irəliləyişlərə təkan verdikcə, bəzi şirkətlər ətraf mühitə təsirləri azaltmaq və parça istehsalını mümkün qədər səmərəli etmək üçün rəqabət aparmağa başlayıblar. Məsələn, “ColorDigital GmbH” ilə əməkdaşlıq edən Portuqaliya tekstil qrupu “Impetus”un kişilər üçün alt paltarı istehsalı ilə bağlı məlumatlarına görə, tullantıları 100 faiz, CO2 emissiyalarını 99 faiz və hətta resursların tükənməsini 100 faiz azaltmaq olar.

Sfera.az “Fashion United”ə istinadən bildirir ki, rəqəmsal iş prosesi brendlərə və onların təchizatçılarına rəng, 3D texnologiyası və əsas məlumatlardan istifadə edərək tekstil dizaynı, məhsulun inkişafı və istehsalının bütün sahələrində əməkdaşlıq etməyə imkan verir. “Tam rəqəmsal işə keçid bizə sürətli dəyişikliklər etməyə kömək edir. Lakin əvvəllər bu nəzarət və dəyişikliklər bizdən sadəcə sınaqdan keçirmək üçün toxuculuq, boyama və tikiş kimi vaxt tələb edən proseslərlə yeni nümunələr yaratmağı tələb edirdi. İndi isə geyimlər prototip olmaq əvəzinə, 3D formasında vizuallaşdırılır. Bu, o qədər keyfiyyətlidir ki, hətta biz əşya və kolleksiyaları birbaşa müştərilərə təqdim edə bilərik”, - deyə  “Impetus Group”un qrafik dizayneri Nuno Susa deyib.

“ColorDigital”ın həmtəsisçisi Qerd Vilşüts isə fikirlərini bu cür ifadə edib: “”İmpetus” tərəfindən məlumatlarla dəstəklənən bu araşdırma interaktiv rəqəmsal platforma iş prosesinin səmərəliliyini artırmaqla yanaşı, onların ətraf mühitə təsirini azaltmağa imkan verir. Bu baxımdan biz “Impetus Group” ilə tərəfdaşlığımızı davam etdirməkdən məmnunuq. Onlar əlavə iş prosesini rəqəmsallaşdırıraq iddialı davamlılıq məqsədlərinə çata bilirlər”.

Türkan