Özündən sonra 66 roman, 150 povest qoyan məşhur yazıçının həyatı da romanları qədər əsrarəngizdir.

Sfera.az Aqata Kristinin həyat hekayəsini təqdim edir.
 

Aqata 1890-cı il sentyabrın 15-də İngiltərənin Cənub-Qərbində, Torkuda orta səviyyəli ailədə anadan olub.
 

Uşaqlıqda heyvanlarla oynayan, kitab oxuyan və hekayələr yazan Aqatanın uşaqlığı nisbətən tənha keçib. 11 yaşında atasını ürək tutmasından itirib.
Musiqi ilə də maraqlanan Aqata bu yolda təhsil almaq üçün 15 yaşında Fransaya göndərilir.

Bir müddət piano və nəğmə dərslərinə davam etsə də, musiqiçi olmaq istəmədiyini anlayıb və evinə qayıdıb. Bu zaman da yazmağı dayandırmayan Aqata 1912-ci ildə tanış olduğu aviator Arçi Kristi ilə 1914-cü ildə evlənib. Birinci Dünya Müharibəsi illərində ərinin vəzifəsinə görə Fransaya gələrək müharibənin sonuna qədər burada qalıblar.

Orada olduğu müddətdə oxuduğu detektiv kitablardan təsirlənən Aqata Kristi belə hekayələri özü yazmağa qərar verib.

Onun ilk romanı "Stillərdə sirli iş" yalnız 1920-ci ildə nəşr olundu. Bu arada Kristi cütlüyünün Rozalind adlı bir qızı da olub. Bu ilk kitabda Aqatanın yaratdığı belçikalı detektiv personaj Herkül Puaro çox məşhur idi.

İlk bir neçə əsərini çap etdirən yazıçı 1925-ci ildə uğura doğru sürətlə irəliləyərkən anasını itirib.

Aqatanın evliliyi də dağılmaq ərəfəsində idi. Onun əri Nensi Nil adlı qadına aşiq olmuşdu. Daha sonra Aqata 1925-ci ilin dekabrında bir gün hara getdiyi barədə bir söz demədən yoxa çıxdı. Bir neçə gün sonra onun avtomobili qəza nəticəsində kilometrlərlə aralıda gölün kənarında tapıldı.

Bu hadisədən sonra meydana çıxan Aqata baş verənlərlə bağlı heç nə deməyib.

Daha sonra ərinin sevgilisini öldürməyi planlaşdırdığı, qəza nəticəsində yaddaşını itirməsi kimi müxtəlif söz-söhbətlər yayılıb. Əslində bu müəmmalı hadisə bir növ Aqata və onun romanlarını reklam edirdi. Kim bilir, bəlkə də bu yoxa çıxmağın arxasında onun yazacağı sirli hekayələr üçün mərkəz yaratmaq idi.

Bundan sonra özünü bütünlüklə yazıçılığa həsr edən Aqata 1928-ci ildə boşanaraq ilk evliliyinə son qoydu.

Həmin ilin payızında uzun səyahətə çıxan müəllif 1930-cu il sentyabrın 11-də Bağdadda tanış olduğu arxeoloq Maks Mallovanla evlənəcəkdi. Müəllifin bu şərq səyahəti təkcə xoşbəxt bir evliliyə səbəb olmayacaqdı. O, həm də ən məşhur kitablarından birinə çevriləcək “Şərq Ekspresində Cinayət” romanını bu səfər zamanı İstanbulda qaldığı “Pera Palas” otelində yazmağa hazırlaşırdı.

II. İkinci Dünya Müharibəsi zamanı əri tərcüməçi və orduda müxtəlif vəzifələrdə çalışarkən Aqata diqqətini kitablarına yönəltməyə davam etdi.


Fotoda: Arxeoloq Maks Mallowan və Agata Kristi

21 sentyabr 1943-cü ildə onun ilk evliliyindən olan qızı Rozalind evləndi. Müharibənin sonunda əri ilə sakit həyat yaşayan Aqata Kristi hekayələrini yazmağa davam edirdi. Növbəti həyatını dinc və xoşbəxt keçirən yazıçı 1976-cı il yanvarın 12-də dünyasını dəyişib. Cəsədi Uolinqford yaxınlığındakı Sent-dədir. O, Məryəm Çolsi kilsəsində yandırılıb.

Ədəbiyyatda dedektiv janr dedikdə hələ də ağla gələn ilk adlardan biri olan ingilis yazıçısı sadə dili və sirli süjeti ilə diqqət çəkir. Eyni zamanda onun romanlarındakı hərəkət və axıcılıq da oxucuya müsbət təsir bağışlayır.

Xanım

Sfera.az